ប្អូនប្រុសអតីតគ្រូជម្រើសជាតិកម្ពុជា ទទួលបានតំណែងមួយនៅក្លឹបភ្នំពេញក្រោន

2018-04-05 06:45:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Luis Fernando Andrade Vasconcellos Vitorino Da Silva ដែលត្រូវជាប្អូនប្រុសរបស់អតីតគ្រូបង្វឹកជម្រើសជាតិកម្ពុជា Leonardo Vitorino ត្រូវបានក្លឹបភ្នំពេញក្រោនតែងតាំងជាគ្រូបង្វឹកក្រុមយុវជន។ នេះជាការប្រកាសផ្លូវការរបស់ក្លឹបភ្នំពេញក្រោន នៅរសៀលថ្ងៃទី៥ ខែមេសា ឆ្នាំ២០១៨នេះ។

លោក Luis Fernando Andrade Vasconcellos Vitorino Da Silva (រូបភាព៖ ភ្នំពេញក្រោន)

គ្រូបង្វឹកជនជាតិប្រេស៊ីលរូបនេះ ធ្លាប់ជាអតីតគ្រូបង្វឹកអ្នកចាំទីក្រុមជម្រើសជាតិកម្ពុជា កាលពីឆ្នាំ២០១៧កន្លងទៅ ព្រមទាំងធ្លាប់បំពេញការងារនៅក្លឹបបាល់ទាត់ Lanexang United របស់ឡាវពីឆ្នាំ២០១៦ – ២០១៧ ខណៈដែលក្លឹបនេះបានគ្រងតំណែងជាជើងឯកលីគកំពូលឡាវកាលពីឆ្នាំ២០១៦។ លោកក៏ធ្លាប់បំពេញការងារនៅតាមបណ្តាក្លឹបមួយចំនួនទៀតនៅក្នុងប្រទេសប្រេស៊ីល ដូចជា Bonsucesso FC (ឆ្នាំ២០១៦), ក្លឹប Bangu AC (ពីឆ្នាំ២០១៤- ២០១៥) និងក្លឹប Goytacaz FC (ឆ្នាំ២០១៣)។

សូមបញ្ជាក់ថា បងប្រុសរបស់គ្រូបង្វឹកអ្នកចាំទីខាងលើនេះ ក្រោយពីត្រូវបានសហព័ន្ធកីឡាបាល់ទាត់កម្ពុជាបញ្ចប់កុងត្រា បច្ចុប្បន្ននេះលោក Leonardo ទទួលបានការងារជាគ្រូសម្របសម្រួលបច្ចេកទេសក្នុងក្លឹប Ceará Sporting Club នៅប្រេស៊ីល៕

អត្ថបទ៖ លាភ.