សម្ដេច ហ៊ុន សែន៖ ដីកោះកម្ពុជាទាំងអស់ ជាសម្បត្តិរបស់រដ្ឋ
- 2018-04-23 01:47:23
- ចំនួនមតិ 0 | ចំនួនចែករំលែក 0
សម្ដេច ហ៊ុន សែន៖ ដីកោះកម្ពុជាទាំងអស់ ជាសម្បត្តិរបស់រដ្ឋ
ចន្លោះមិនឃើញ
ប្រមុខរាជរដ្ឋាភិបាលកម្ពុជា សម្ដេច ហ៊ុន សែន នៅព្រឹកថ្ងៃទី២៣ ខែមេសា ២០១៨នេះ បានបញ្ជាក់ថា ដីកោះទាំងអស់របស់កម្ពុជា ជាសម្បត្តិរបស់រដ្ឋ។ ការបញ្ជាក់របស់ប្រមុខរាជរដ្ឋាភិបាលកម្ពុជា បានធ្វើឡើងក្នុងពិធីសម្ពោធដាក់ឲ្យប្រើប្រាស់នូវសណ្ឋាគារលំដាប់ផ្កាយ៥ “The Royal Sands Koh Rong” ដែលមានទីតាំងស្ថិតនៅភូមិសុខសាន្ដ សង្កាត់កោះរ៉ុង ក្រុងព្រះសីហនុ។
សម្ដេច ហ៊ុន សែន បានបញ្ជាក់ទៀតថា ការអនុញ្ញាតឲ្យក្រុមហ៊ុនឯកជនសាងសង់នៅលើកោះរបស់កម្ពុជា គឺគ្រាន់តែជាការធ្វើសម្បទានសម្រាប់ការវិនិយោគតែប៉ុណ្ណោះ។ ការវិនិយោគនេះ គឺដើម្បីជំរុញវិស័យទេសចរណ៍ និងបង្កើតការងារសម្រាប់ប្រជាពលរដ្ឋកម្ពុជា។ សម្ដេចតេជោបន្ថែមទៀតថា ដល់ពេលណាមួយ រដ្ឋនឹងដកយកដីកោះទាំងនោះ មកគ្រប់គ្រងវិញ៕