ប្រធាន និងអនុប្រធានព្រឹទ្ធសភានីតិកាលថ្មី ត្រូវបានជ្រើសរើសហើយនៅព្រឹកនេះ

2018-04-23 04:13:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម័យប្រជុំលើកដំបូងនៃព្រឹទ្ធសភា នីតិកាលទី៤ បានបញ្ចប់ហើយនាព្រឹកថ្ងៃទី២៣ ខែមេសា ឆ្នាំ២០១៨នេះ ដោយសម្តេច សាយ ឈុំ ត្រូវបានសមាជិកព្រឹទ្ធសភាបោះឆ្នោតជ្រើសរើសឲ្យធ្វើជា ប្រធានព្រឹទ្ធសភា លោក នៃ ប៉េណា ជាប់ជាអនុប្រធានទី១ និងលោក ទេព ងន ជាប់ជាអនុប្រធានទី២។

សម្តេច សាយ ឈុំ ចូលរួមសម័យប្រជុំលើកដំបូងនៃព្រឹទ្ធសភា នីតិកាលទី៤ នៅព្រឹកថ្ងៃទី២៣ ខែមេសា ឆ្នាំ២០១៨

លោក ម៉ុម ជឹមហ៊ុយ ព្រឹទ្ធបុរសដែលមានវ័យចាស់ជាងគេ ត្រូវជ្រើសតាំងដឹកនាំសម័យប្រជុំនេះ ដើម្បីរៀបចំជ្រើសរើសប្រធាន និងអនុប្រធានទាំង២ របស់ព្រឹទ្ធសភា។ ជាលទ្ធផល សម្តេច សាយ ឈុំ លោក នៃ ប៉េណា និងលោក ទេព ងន ត្រូវបានសមាជិក សមាជិកា នៃព្រឹទ្ធសភា ទាំង៦២រូប បោះឆ្នោតជ្រើសតាំងជាប្រធាន អនុប្រធានទី១ និងអនុប្រធានទី២ នៃព្រឹទ្ធសភា ដោយសំឡេង ៦២ លើ ៦២សំឡេងដូចគ្នា៕

អត្ថបទ៖ សោភា