iPhone X អាចជាមូលហេតុធ្វើឲ្យ Apple ពិចារណាឡើងវិញលើតម្លៃលក់

2018-04-23 04:22:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកវិភាគជាច្រើនបានអះអាងថា Apple នឹងផលិតម៉ូដែល iPhone ដែលមានតម្លៃទាប ក្នុងឆ្នាំ២០១៨នេះ បន្ទាប់ពីក្រុមហ៊ុននេះហាក់មិនទទួលជោគជ័យ ក្រោយការបញ្ចេញ iPhone X ដែលមានតម្លៃថ្លៃពេក។

ផ្ទាំងផ្សព្វផ្សាយ iPhone X មួយ (រូបភាព៖ Toronto Star)

iPhone ឆ្នាំ២០១៨នេះ ត្រូវគេរំពឹងថា នឹងមានតម្លៃចាប់ផ្ដើមពី ៥០០ដុល្លារឡើងទៅ ហើយមិនថ្លៃដូច iPhone X នោះទេ។ ការបន្ទាបតម្លៃ iPhone នេះអាចបណ្ដាលមកពី Apple ជួបវិបត្តិភាគហ៊ុនមានការធ្លាក់ចុះជាង ១៦០ដុល្លារក្នុង១ហ៊ុន ឬស្មើ ៣% កាលពីថ្ងៃសុក្រ សប្ដាហ៍មុន ក្នុងអំឡុងរយៈពេល២សប្ដាហ៍។

លោក Neil Campling អ្នកវិភាគក្រុមហ៊ុន Mirabaud បានអះអាងថា Apple ប្រហែលជាបញ្ចប់ការផលិត iPhone X ហើយ ស្របពេលដែលក្រុមហ៊ុនផ្គត់ផ្គង់បន្ទះឈីប TSMC របស់តៃវ៉ាន់ ជួបវិបត្តិភាគហ៊ុនធ្លាក់ចុះជាង ៦% ក្នុងថ្ងៃតែមួយដូច Apple កាលពីសប្ដាហ៍។

សូមបញ្ជាក់ថា iPhone X មានតម្លៃចាប់ផ្ដើម ប្រហែល ១០០០ដុល្លារអាមេរិក។ បើតាមអ្នកវិភាគល្បីឈ្មោះលោក Ming-Chi Kuo បានឲ្យដឹងថា ក្នុងឆ្នាំ២០១៨នេះ Apple អាចនឹងចេញ iPhone ចំនួន ៣ម៉ូដែល ក្នុងនោះអាចមាន១ម៉ូដែល ប្រើប្រាស់ស៊ីម២ បាន៕

ប្រភព៖ RT ប្រែសម្រួល៖ លាភ.