FIFA គ្រោងបង្កើតកម្មវិធីប្រកួត២ ក្នុងទំហំទឹកប្រាក់២៥ពាន់លានដុល្លារ

2018-04-24 01:43:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

FIFA នឹងបើកកិច្ចប្រជុំពិសេសមួយ នៅពាក់កណ្ដាលខែឧសភាខាងមុខ នាទីក្រុង Zurich ប្រទេសស្វីស ដែលមានការចូលរួមពីបណ្ដាសហព័ន្ធកីឡាបាល់ទាត់នានា និងតំណាងក្លឹបជាច្រើន ដើម្បីពិភាក្សាពីការបង្កើតកម្មវិធីប្រកួតថ្មីចំនួន២។

លោក Gianni Infantino ត្រូវតែងតាំងជាប្រធាន FIFA កាលពីឆ្នាំ២០១៦ (រូបភាព៖ Newsoneplace.com)

តាមសេចក្ដីរាយការណ៍កន្លងទៅ FIFA នឹងបង្កើតកម្មវិធី Club World Cup និង Nations League ថ្មី ដែលត្រូវចំណាយទឹកប្រាក់សរុបចំនួន ២៥ពាន់លានដុល្លារអាមេរិក។

គម្រោងរបស់ FIFA នឹងត្រូវធ្វើឡើង ក្រោយពេលក្លឹបធំៗមួយចំនួននៅទ្វីបអឺរ៉ុប បានស្នើឲ្យមានការកាត់បន្ថយចំនួនការប្រកួត ដើម្បីឲ្យកីឡាករមានពេលវេលាសម្រាកគ្រប់គ្រាន់។ ពាក់ព័ន្ធនឹងបញ្ហាបង្កើតកម្មវិធីប្រកួតថ្មីនេះ ត្រូវបានមន្ត្រី FIFA ជឿជាក់ថា នឹងទទួលបានការយល់ស្របពីមតិភាគច្រើនក្នុងកិច្ចប្រជុំពិសេស។

ពានរង្វាន់ Club World Cup (រូបភាព៖ Last Word on Football)

គួររំឭកថា FIFA ក៏គ្រោងបង្កើតឲ្យមានរហូតដល់ ៤៨ក្រុមនៅក្នុងព្រឹត្តិការណ៍បាល់ទាត់ពិភពលោក FIFA World Cup នាឆ្នាំ២០២២ ផងដែរ។ បច្ចុប្បន្ន ព្រឹត្តិការណ៍នេះមានក្រុមចូលរួមចំនួន ៣២ក្រុមប៉ុណ្ណោះ៕

ប្រភព៖ BBC ប្រែសម្រួល៖ លាភ.