វៀតណាម ទាមទារឲ្យចិន បញ្ឈប់សកម្មភាពខុសច្បាប់នៅប្រជុំកោះ២

2018-04-25 06:31:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សកម្មភាពរបស់ចិន នៅប្រជុំកោះ Hoang Sa (Paracel) និង Truong Sa (Spratly) ត្រូវបានវៀតណាម ទាមទារឲ្យបញ្ឈប់ជាបន្ទាន់ ដែលអាចបន្ថែមភាពតានតឹងនៅក្នុងតំបន់។ ការទាមទារនេះ ត្រូវធ្វើឡើងដោយក្រសួងការបរទេសវៀតណាម កាលពីថ្ងៃទី២៤ ខែមេសា ឆ្នាំ២០១៨។

ទូកល្បាតរបស់កងទ័ពជើងទឹកវៀតណាម (រូបភាព៖ vietnamnews)

លោកស្រី Le Thi Thu Hang អ្នកនាំពាក្យក្រសួងការបរទេសវៀតណាម បានអះអាងថា វៀតណាមមានមូលដ្ឋានគ្រប់គ្រាន់ និងភស្តុតាង ដែលបង្ហាញថា សកម្មភាពរបស់ចិននៅប្រជុំកោះទាំងពីរ បំពានលើអធិបតេយ្យភាពដែលស្ថិតនៅក្រោមការគ្រប់គ្រងរបស់វៀតណាម។

លោកស្រី Hang បានបញ្ជាក់ថា សកម្មភាពនានា ដូចជា ការសាងសង់របស់ក្រុមហ៊ុនចិន You Lian Tuo 9 ដែលជាស្ថាប័នទូកប្រណាំងមួយនៅតំបន់នៃប្រជុំកោះ Paracel និងការបំពាក់ឧបករណ៍រ៉ាដាអេឡិចត្រូនិច នៅប្រជុំកោះ Spratly ជាការរំលោភបំពានអធិបតេយ្យភាពរបស់វៀតណាម។

ទង្វើទាំងនេះ គឺផ្ទុយពីកិច្ចព្រមព្រៀងរវាងវៀតណាម និងចិន និងសេចក្ដីប្រកាសស្ដីពីក្រមប្រតិបត្តិនៅសមុទ្រចិនខាងត្បូង (DOC) ដែលជំរុញសន្តិភាព ស្ថិរភាព និងកិច្ចសហប្រតិបត្តិការសមុទ្រចិនខាងត្បូង៕

ប្រភព៖ Vietnam News ប្រែសម្រួល៖ លាភ.