បឹងកេត សងសឹកដោយជោគជ័យ ដល់ផ្ទះ Shan Utd នៅមីយ៉ាន់ម៉ា

2018-04-25 12:05:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបឹងកេត ដែលតំណាងឲ្យកម្ពុជា បានយកឈ្នះក្រុមម្ចាស់ផ្ទះ Shan United ដោយលទ្ធផល ១-៤ បន្ទាប់ពីទទួលបរាជ័យកាលពីជួបគ្នាលើកទីមួយ ដោយលទ្ធផល ១-២ នាចុងខែកុម្ភៈ ឆ្នាំ២០១៨ នៅពហុកីឡដ្ឋានជាតិ ក្នុងកម្មវិធី AFC Cup 2018 វគ្គសន្សំពិន្ទុ ពូល F ។

បឹងកេតឈ្នះ Shan Utd ដោយលទ្ធផល ១-៤ (រូបភាព៖ Boeung Ket Football Club)

ក្នុងការប្រកួតជើងទីពីរនេះ បឹងកេតបានយកឈ្នះ ដោយការស៊ុតរបស់ Maycon នៅនាទី១១, ៦៣ Julius Oiboh នាទី២៥ និង Gbenga នៅនាទី៤៧។ ចំណែក ក្រុមម្ចាស់ផ្ទះ វាយបកបានតែ១គ្រាប់ពីកីឡាករ Min Tun Zin នៅនាទី៧៨។

សូមបញ្ជាក់ ទោះជាលទ្ធផលឈ្នះយ៉ាងណាក៏ដោយ ក៏បឹងកេត មិនអាចឡើងទៅកាន់វគ្គបន្តបានដែរ ដោយសារឈរនៅលេខ៣ មាន ៦ពិន្ទុ តាមពីក្រោយ Ceres Negros និង Home Utd ដែលមាន ១៣ពិន្ទុស្មើគ្នា ក្នុង៦ប្រកួតកន្លងទៅ។ ចំណែក Shan Utd ស្គាល់ជ័យជម្នះតែម្ដងគត់ ក្រៅពីនោះ គឺបរាជ័យទាំងអស់៕

អត្ថបទ៖ លាភ.