ក្រសួងសាធារណការ ឯកភាពលើគម្រោងផ្លូវដែកល្បឿនលឿន ភ្នំពេញ-បាវិត

2018-04-29 02:37:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានបញ្ជាក់ថា ក្រសួងឯកភាពឲ្យផ្នែកឯកជនសាងសង់ផ្លូវដែកល្បឿនលឿនពីភ្នំពេញ ទៅបាវិត (ព្រំដែនកម្ពុជា-វៀតណាម)។ ការប្រកាសនេះ ធ្វើឡើងនៅក្នុងពិធីដាក់ឲ្យដំណើរការរថភ្លើងដឹកអ្នកដំណើរពីសិរីសោភណ្ឌ-បាត់ដំបង នាព្រឹកថ្ងៃទី២៩ ខែមេសា ឆ្នាំ២០១៨នេះ។

លោក ស៊ុន ចាន់ថុល ថ្លែងនាពេលកន្លងមក

លោករដ្ឋមន្រ្តីបាននិយាយថា ថ្ងៃក្រោយប្រសិនបើក្រុមហ៊ុនឯកជន វិនិយោគលើការសាងសង់ផ្លូវដែកនេះ ជាប្រភេទ BOT នោះក្រសួងនឹងឯកភាពឲ្យធ្វើ។ លោកបន្តថា បច្ចុប្បន្ននេះ ខាងក្រសួង និងឯកជនកំពុងធ្វើការសិក្សាគម្រោងនេះជាមួយគ្នាហើយ។

សូមរំលឹកថា លោក ស៊ុន ចាន់ថុល ក៏បានស្នើឲ្យភាគីវៀតណាម ពិចារណាលើការអភិវឌ្ឍផ្លូវដែករវាងក្រុងបាវិត នៃខេត្តស្វាយរៀង និងទីក្រុងហូជីមិញផងដែរ ដើម្បីទាក់ទាញវិស័យឯកជនឲ្យវិនិយោគលើការអភិវឌ្ឍផ្លូវដែកពីភ្នំពេញ ទៅក្រុងបាវិត និងទៅទីក្រុងហូជីមិញ ប្រទេសវៀតណាម។ សំណើនេះត្រូវបានលើកឡើងក្នុងជំនួបរវាង លោក ស៊ុន ចាន់ថុល និងលោក Nguyen Nhat អនុរដ្ឋមន្រ្តីក្រសួងដឹកជញ្ជូនវៀតណាម កាលពីថ្ងៃទី៦ ខែកុម្ភៈ ឆ្នាំ២០១៨ នៅទីស្តីការក្រសួងសាធារណការ៕