សំណុំរឿងកិបកេងលុយបុណ្យសព លោក កែម ឡី ឡើងទំព័រមុខ របស់ភ្នំពេញប៉ុស្តិ៍

2018-04-30 03:13:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីបុណ្យវិសាខបូជា នៅព្រឹកថ្ងៃចន្ទទី ៣០ មេសានេះ កាសែតធំៗ៣ ចុះផ្សាយរឿងផ្សេងៗគ្នា នៅលើទំព័រមុខរបស់ខ្លួន។

កាសែត ភ្នំពេញប៉ុស្តិ៍

- ក្រសួងការងារ ចេញលិខិតសុំឱ្យតុលាការ លើកលែងបទចោទលើលោក មឿន តុលា ៖ ការចេញលិខិតនេះ ធ្វើឡើងកាលពីថ្ងៃសុក្រ បន្ទាប់ពីសកម្មជនសិទ្ធិការងាររូបនេះ រងការចោទប្រកាន់ថា បានកិបកេងបច្ច័យបុណ្យសពលោកកែម ឡី។ តុលាការរាជធានីភ្នំពេញ បានចោទប្រកាន់ លោក មឿន តុលា ព្រះតេជគុណ ប៊ុត ប៊ុនតិញ និង លោក ប៉ា ងួនទៀង ពីបទរំលោភលើសេចក្តីទុកចិត្ត កាលពីខែមករាកន្លងមក។ តែគ្រួសារសពលោក កែម ឡី ថាអ្នកទាំង៣ មិនបានពាក់ព័ន្ធនឹងការចាត់ចែង បច័្ចយបុណ្យសពនោះទេ។

- អាជ្ញាធររាជធានីភ្នំពេញហាមការដង្ហែក្បួនក្នុងទិវាពលកម្មអន្តរជាតិ ៖ ការហាមប្រាមនេះ គឺដោយសារសាលារាជធានី ព្រួយបារម្ភពីបញ្ហាចរាចរណ៍ និង សុវត្ថិភាពសាធារណៈ។ នេះបើតាមលោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា ដែលបានស្នើទៅសាលារាជធានី។

- មន្ត្រីជាន់ខ្ពស់ប្រតិកម្មទៅនឹងថៃ មិនបញ្ជូនលោក សម សេរី មកកម្ពុជាវិញ

- រថភ្លើងសិរីសោភ័ណ-បាត់ដំបង បើកឱ្យដំណើរការឡើងវិញហើយ

- គ្រោងតាំងពិព័ណ៌រូបថតអ្នកធាក់ស៊ីក្លូ នៅបុប្ផាណា ដើមខែឧសភា

កាសែត រស្មីកម្ពុជា

- ចុះបញ្ជីគណបក្ស គ.ជ.ប ប្រកាសជាថ្មី ពីការទទួលស្គាល់ជាស្ថាប័នឯករាជ្យ និង អព្យាក្រឹត ៖ គណៈកម្មាធិការជាតិរៀបចំការបោះឆ្នោត បានជូនដំណឹងដល់គណបក្សនយោបាយដែលបានចុះបញ្ជី និងទទួលស្គាល់ជាផ្លូវការនៅក្រសួងមហាផ្ទៃ ឱ្យទៅបំពេញសំណុំឯកសារ ចុះបញ្ជីគណបក្ស និង បេក្ខជនឈរឈ្មោះរបស់ខ្លួន សម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៦។ ការចុះឈ្មោះនេះ ចាប់ផ្តើមពីថ្ងៃទី ៣០ មេសា ដល់ថ្ងៃទី ១៤ ឧសភា ឆ្នាំ ២០១៨។

- លោកស័ក្តិ៤ សង្ស័យមានវិបត្តិស្នេហ៍ លោតសម្លាប់ខ្លួនពីលើស្ពាន

- បើកដំណើរការខ្សែរថភ្លើង សិរីសោភ័ណ-បាត់ដំបង អំពាវនាវដល់ពលរដ្ឋត្រូវប្រុងប្រយ័ត្នពេលឆ្លងកាត់ផ្លូវដែក

- ៥ថ្ងៃទៀត ចូលរោងការ មច្ចុរាជឥតមេត្តាប្រហារកូនកម្លោះ បន្សល់ទុកកូនក្រមុំឱ្យមេម៉ាយខាន់ស្លាតែមួយប៉ព្រិចភ្នែក

- នាំមិត្តភក្តិទៅអារ ក ប្លន់យកម៉ូតូ តែមិនស្លាប់