សម្តេច ហ៊ុន សែន ថាកម្ពុជានឹងប្រើពេលតែ៤ម៉ោង រៀបចំកិច្ចប្រជុំអាស៊ានឆ្នាំ២០២២ ដូចសិង្ហបុរី

2018-04-30 06:51:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានមានប្រសាសន៍ថា កម្ពុជានឹងធ្វើជាប្រធានអាស៊ានម្តងទៀតនៅឆ្នាំ២០២២ ហើយនឹងរៀបចំកិច្ចប្រជុំនេះ ត្រឹមតែ៤ម៉ោងប៉ុណ្ណោះដូចនៅប្រទេសសិង្ហបុរី។ ការថ្លែងនេះ ធ្វើឡើងនៅក្នុងពិធីប្រគល់សញ្ញាបត្រដល់និស្សិតសាកលវិទ្យាល័យធនធានមនុស្ស នៅវិទ្យាស្ថានជាតិអប់រំ នាព្រឹកថ្ងៃទី៣០ ខែមេសា ឆ្នាំ២០១៨។

សម្តេច ហ៊ុន សែន និងមេដឹកនាំអាស៊ាន៩ទៀត ក្នុងកិច្ចប្រជុំកំពូលអាស៊ាននៅសិង្ហបុរី កាលពីថ្ងៃទី២៨ ខែមេសា ឆ្នាំ២០១៨។ រូបថត៖ FB សម្តេច ហ៊ុន សែន

ថ្លែងក្នុងខួប ១៩ឆ្នាំដែលកម្ពុជាបានចូលជាសមាជិកអាស៊ាននេះ សម្តេច ហ៊ុន សែន បានរំលឹកថា ក្នុងអំឡុងកិច្ចប្រជុំកំពូលអាស៊ាននៅសិង្ហបុរីកាលពីពេលថ្មីៗនេះ គឺមានភាពងាយស្រួលដោយប្រើពេលប្រជុំត្រឹមតែ៤ម៉ោង ហើយទទួលទានអាហារពេលល្ងាចគឺត្រឹមតែ ១ម៉ោងប៉ុណ្ណោះ ដែលជាការចំណេញដល់ពេលវេលារបស់បណ្តាមេដឹកនាំ។

គួរបញ្ជាក់ថា ក្រោយកម្ពុជាបានចូលជាសមាជិកទី១០ នៃសមាគមប្រជាជាតិអាស៊ីអាគ្នេយ៍ (អាស៊ាន) ប្រទេសនេះ បានធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ានចំនួន២លើករួចមកហើយ គឺនៅឆ្នាំ២០០២ និងឆ្នាំ២០១២៕

នៅឆ្នាំ២០១៨នេះ ប្រទេសសិង្ហបុរី បានធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ានលើកទី៣២ ចាប់ពីថ្ងៃទី២៧ ដល់ ២៨ ខែមេសា។ កិច្ចប្រជុំនេះ បានធ្វើឡើងក្រោមមូលបទ "ភាពរឹងមាំ និងនវានុវត្តន៍របស់អាស៊ាន"៕

អត្ថបទ៖ សំភី