គណបក្សខ្មែររួបរួមជាតិ បានដាក់ពាក្យសុំបង់ប្រាក់តម្កល់នៅ គ.ជ.ប

2018-05-04 04:03:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកសឹង្ហ គីរី ប្រធានគណបក្សខ្មែរររួបរួមជាតិ ឲ្យដឹងថា គណបក្សរបស់លោក បានដាក់ពាក្យសុំបង់ប្រាក់តម្កល់ចំនួន ១៥លានរៀល នៅគណៈកម្មាធិការជាតិរៀបចំការបោះឆ្នោត (គ.ជ.ប) កាលពីព្រឹកថ្ងៃទី០៣ ខែឧសភា ឆ្នាំ២០១៨។

លោកបន្តថា ចំណែកការចុះបញ្ជីឈ្មោះគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះ គណបក្សខ្មែររួបរួមជាតិ គ្រោងនឹងដាក់នៅថ្ងៃទី៧ ខែឧសភា ឆ្នាំ២០១៨ ខាងមុខនេះ។

សូមបញ្ជាក់ថា រហូតមកដល់ពេលនេះ ក្រៅពីគណបក្សខ្មែររួបរួមជាតិ មានគណបក្សនយោបាយចំនួន៥ទៀត ដែលបានដាក់ពាក្យសុំបង់ប្រាក់តម្កល់ចំនួន ១៥លានរៀល នៅ គ.ជ.ប រួមមាន៖ គណបក្សហ៊្វុនស៊ិនប៉ិច គណបក្សសម្ព័ន្ធដើម្បីប្រជាធិបតេយ្យ គណបក្សសំបុកឃ្មុំសង្គមប្រជាធិបតេយ្យ គណបក្សពន្លឺថ្មី និងគណបក្សខ្មែរអភិវឌ្ឍន៍សេដ្ឋកិច្ច៕

អត្ថបទ៖ សោភា

ពាក្យទាក់ទង

ភ្ជាប់ទំនាក់ទំនងជាមួយ