ធឿន ធារ៉ា ប្រាប់មូលហេតុ២ ដែលធ្វើឲ្យខ្លួនចាញ់ថៃ កាលចុងសប្ដាហ៍កន្លងទៅ

2018-05-08 04:16:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រដាល់ ធឿន ធារ៉ា បានបង្ហើបនៅព្រឹកថ្ងៃទី៨ ខែឧសភាថា មូលហេតុដែលខ្លួនប្រកួតចាញ់កីឡាករថៃ Kitti ក្នុងទឹកទី២ នៅសង្វៀន Max Muay Thai ប្រទេសថៃ កាលពីថ្ងៃអាទិត្យកន្លងទៅ គឺដោយសារបញ្ហាសុខភាព និងបច្ចេកទេស។

ធឿន ធារ៉ា សន្លប់ក្នុងទឹកទី២ ដោយកីឡាករថៃ Kitti នៅសង្វៀន Max Muay Thai កាលពីថ្ងៃអាទិត្យកន្លងទៅ (រូបថត៖ Max Muay Thai)

ធារ៉ា បានពន្យល់ថា មុនការប្រកួតគេមានបញ្ហាសុខភាព និងថ្លោះដៃ ដែលជាការលំបាកមួយសម្រាប់ការប្រកួតនេះ។ ម្យ៉ាងវិញទៀត ធារ៉ា ពន្យល់ថា កីឡាករថៃ Kitti មានភាពល្អជង្គង់ ដែលអាចធ្វើឲ្យ ធារ៉ា សន្លប់ក្នុងទឹកទី២។ កីឡាករកម្ពុជាដដែល បានប្ដេជ្ញាថា ខ្លួននឹងខិតខំហ្វឹកហាត់បន្ថែមទៀត ដើម្បីសងសឹក Kitti ពេលជួបគ្នាជាលើកទី២។

គួរបញ្ជាក់ថា ធឿន ធារ៉ា ទទួលបានប្រាក់ឧបត្ថម្ភ ១០០០ដុល្លារពី ប្រធានគណបក្សយុវជនកម្ពុជា គឺលោក ពេជ្រ ស្រស់ និង ៤០០ដុល្លារ ពីប្រភពផ្សេងៗទៀត នាថ្ងៃអង្គារនេះ៕

អត្ថបទ៖ លាភ.