Jack Ma ទិញក្រុមហ៊ុនធំ១ទៀត ដើម្បីពង្រីកទីផ្សារ Alibaba នៅអាស៊ី

2018-05-09 09:31:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន Alibaba របស់លោក Jack Ma បានប្រកាសនៅថ្ងៃពុធ ទី៩ ខែឧសភានេះថា ខ្លួនបានទិញយកក្រុមហ៊ុនលក់រាយលើអនឡាញ Daraz របស់ប៉ាគីស្ថាន ដើម្បីធ្វើការពង្រីកទីផ្សាររបស់ខ្លួន នៅតំបន់អាស៊ីខាងត្បូង។

លោក Jack Ma (រូបថត៖ Lifehack.com)

យោងតាមសេចក្ដីថ្លែងការរបស់ Alibaba បានឲ្យដឹងថា ក្រុមហ៊ុន Daraz មានទីផ្សារសំខាន់ៗ នៅប្រទេសប៉ាគីស្ថាន បង់ក្លាដេស ស្រីលង្កា មីយ៉ាន់ម៉ា និងនេប៉ាល់ ដែលមានអ្នកលក់បន្តជាង ៣ម៉ឺននាក់ និងមានផលិតផលជាង ៥០០មុខ ដូចជា គ្រឿងអេឡិចត្រូនិក សម្ភារៈក្នុងលំនៅឋាន គ្រឿងសំអាង សម្លៀកបំបាក់ សម្ភារៈកីឡា និងគ្រឿងទេសជាច្រើនមុខទៀត។

បើតាម Daraz បានឲ្យដឹងថា អ្នកប្រើប្រាស់កម្មវិធីរបស់ខ្លួនមានជាង ៤៦០លាននាក់ ក្នុងនោះ ៦០% ជាមនុស្សដែលមានអាយុក្រោម ៣៥ឆ្នាំ។ Daraz ត្រូវបានបង្កើតឡើងកាលពីឆ្នាំ២០១២ បន្ទាប់ពីទិញយកពីក្រុមហ៊ុន Rocket Internet ។

ក្រុមហ៊ុន Daraz ត្រូវបានបង្កើតឡើងកាលពីឆ្នាំ២០១២ បន្ទាប់ពីទិញយកពីក្រុមហ៊ុន Rocket Internet (រូបភាព៖ Brandsynario)

គួររំឭកថា ការទិញយកក្រុមហ៊ុនធំនៅប្រទេសប៉ាគីស្ថាននេះ ត្រូវធ្វើឡើងបន្ទាប់ពីលោក Jack Ma ស្ថាបនិក Alibaba ទិញយកក្រុមហ៊ុន Lazada ដើម្បីពង្រីកទីផ្សារនៅតំបន់អាស៊ីអាគ្នេយ៍ កាលពីខែមីនា ឆ្នាំ២០១៨កន្លងទៅ៕

ប្រភព៖ Bangkokpost ប្រែសម្រួល៖ លាភ.