ឡាន-ម៉ូតូច្រើនគ្រឿង និងគ្រឿងបន្លាស់រថយន្ត ត្រូវភ្លើងឆេះនៅខណ្ឌទួលគោក

2018-05-10 06:27:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យនិងសង្គ្រោះ បានឲ្យដឹងថា ក្នុងហេតុការណ៍អគ្គិភ័យនៅឃ្លាំងរថយន្តមួយ កាលពីម៉ោង៣:៣០នាទីទៀបភ្លឺ ថ្ងៃទី១០ឧសភា បណ្ដាលឲ្យឆេះឃ្លាំងលក់ឡានចំនួនមួយឃ្លាំង ឆេះឡានអស់ ៤គ្រឿង ម៉ូតូ ២គ្រឿង ឃ្លាំងស្តុកលក់គ្រឿងបន្លាស់រថយន្ត ២ឃ្លាំង ផ្ទះល្វែងថ្មក្រោមឈើលើចំនួន ២ល្វែង និងផ្ទះឈើចំនួន ២ខ្នង។

អគ្គិភ័យឆាបឆេះឃ្លាំងរថយន្តមួយ នៅយប់ទៀបភ្លឺ ថ្ងៃទី១០ឧសភា ស្ថិតនៅដីឡូត៍លេខ៣៦ ផ្លូវលេខ២១៩ ភូមិ១៥ សង្កាត់ផ្សារដើមគរ ខណ្ឌទួលគោក រាជធានីភ្នំពេញ (រូបថត៖ អគ្គស្នងការដ្ឋាននគរបាលជាតិ)

លោកនាយការិយាល័យនគរបាលបន្តថា ហេតុការណ៍នេះ បានកើតឡើងនៅទីតាំងឃ្លាំងលក់ឡាន យីហោ សោម ច័ន្ទថា ស្ថិតនៅដីឡូត៍លេខ៣៦ ផ្លូវលេខ២១៩ ភូមិ១៥ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។ ក្នុងហេតុការណ៍នេះ មិនបណ្ដាលឲ្យមានមនុស្សស្លាប់ ឬ របួសឡើយ ហើយមូលហេតុកម្លាំងជំនាញកំពុងស្រាវជ្រាវ។

លោកបន្ថែមថា ក្នុងប្រតិបត្តិការជួយសង្គ្រោះកម្លាំងការិយាល័យនគរបាលបង្ការពន្លត់អគ្គិភ័យនិងសង្គ្រោះបានប្រើប្រាស់៖

រថយន្ត ២៥គ្រឿង ប្រើប្រាស់ទឹកអស់១៩៩ឡាន ស្មើនឹង៦៧៦ម៉ែត្រគូប
រថយន្តជំនួយរថយន្ត ង៧០ ចំនួន ៤គ្រឿង ប្រើប្រាស់ទឹក អស់៦ឡាន ស្មើនឹង ៤៤ម៉ែត្រគូប
រថយន្តកងរាជអាវុធហត្ថរាជធានីភ្នំពេញចំនួន ៥គ្រឿង ប្រើប្រាស់ទឹក អស់១០ឡាន ស្មើនឹង២០ម៉ែត្រគូប
រថយន្តក្រសួងមហាផ្ទៃចំនួន ៤គ្រឿង ប្រើប្រាស់ទឹកអស់១២ឡាន ស្មើនឹង៥៤ម៉ែត្រគូប
រថយន្តក្រុមហ៊ុន OCICជ្រោយចង្វារចំនួន ៤គ្រឿង ប្រើប្រាស់ទឹកអស់៥ឡានស្មើនឹង៣៩ម៉ែត្រគូប
និងរថយន្តក្រុមហ៊ុនស្រាប្រៀរកម្ពុជាចំនួន មួយគ្រឿង ប្រើប្រាស់ទឹកអស់៣ឡានស្មើនឹង១៨ម៉ែត្រគូប។