ចាញ់ឬឈ្នះយប់នេះមិនសំខាន់ ព្រោះអនាគតលោក Conte នៅ Chelsea មានតែម្យ៉ាងគត់

2018-05-19 09:11:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Antonio Conte អ្នកចាត់ការក្លឹបតោខៀវ Chelsea បានបង្ហើបថា លោកប្រហែលជាត្រូវបណ្ដេញចេញពីក្លឹបហើយ ទោះបីជាគាត់អាចជួយឲ្យ Chelsea លើកពានរង្វាន់ FA Cup នៅយប់នេះក៏ដោយ។

Chelsea នឹងជួប Manchester United នៅវគ្គផ្តាច់ព្រ័ត្រ ពានរង្វាន់ FA Cup វេលាម៉ោង ១១:១៥ នាទី យប់ថ្ងៃទី១៩ ខែឧសភា ឆ្នាំ២០១៨ នៅកីឡដ្ឋានជាតិអង់គ្លេស។

លោក Conte ទំនងជាត្រូវបណ្ដេញចេញពីតំណែងអ្នកចាត់ការក្លឹប Chelsea នៅចុងរដូវកាលនេះ (រូបថត៖ Skysport)

លោក Conte និយាយថា៖ ***«ពេលខ្លះ យើងជួយឲ្យក្រុមឲ្យក្លាយជាជើងឯកហើយ ប៉ុន្តែក្លឹបនៅតែបណ្ដេញយើងចេញ ព្រោះពួកគេមានហេតុផលដើម្បីធ្វើដូច្នេះ»***។ លោកបន្តថា៖ ***«ខ្ញុំជឿជាក់ថា នេះជាការដឹកនាំការប្រកួតចុងក្រោយរបស់ខ្ញុំហើយក្នុងរដូវកាលនេះ។ សម្រាប់ខ្ញុំ និងកូនក្រុម វាជាការប្រកួតចុងក្រោយរបស់ពួកយើង។ ប៉ុន្តែអ្នកប្រហែលជាដឹងច្បាស់ហើយថា ខ្ញុំមិនទាន់ផុតកុងត្រាទេ ហើយខ្ញុំកំពុងព្យាយាមបំផុតសម្រាប់ក្លឹប»***។

កុងត្រារបស់លោក Conte ត្រូវបានគេទស្សន៍ទាយថា នឹងត្រូវថ្នាក់ដឹកនាំក្រុមតោខៀវបញ្ចប់ក្នុងពេលឆាប់ៗខាងមុខនេះ ហើយប្រសិនបើ Chelsea ចាញ់យប់នេះ មានន័យថា ក្រុមតោខៀវបញ្ចប់រដូវកាល២០១៧-១៨ ដោយមិនអាចឈ្នះពានរង្វាន់ណាមួយឡើយក្នុងរយៈពេល១២ខែ បន្ទាប់ពីលោក Conte ជួយឲ្យ Chelsea ក្លាយជាជើងឯក English Premier League រដូវកាល២០១៦-១៧។

សូមបញ្ជាក់ថា Chelsea បញ្ចប់រដូវកាល២០១៧-១៨ ដោយស្ថិតនៅចំណាត់ថ្នាក់លេខ ៥ នៅតារាង EPL ដោយមិនអាចចូលរួមក្នុងពានរង្វាន់កម្រិតកំពូលទ្វីបអឺរ៉ុប UEFA Champions League នៅរដូវកាលក្រោយបានឡើយ៕

ប្រភព៖ Sky Sports ប្រែសម្រួល៖ លាភ.