កងទ័ពអារ៉ាប៊ីសាអ៊ូឌីត បាញ់ស្ទាក់មីស៊ីលពីយេមែនបានមួយ និងខុសមួយ

2018-05-21 10:03:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងទ័ពអាកាសរបស់អារ៉ាប៊ីសាអ៊ូឌីត បានបាញ់ស្ទាក់មីស៊ីលអន្តរទ្វីបមួយគ្រាប់ ដែលបាញ់ចេញពីប្រទេសយ៉េមែនដោយក្រុមចលានា Houthi កាលពីថ្ងៃទី១៩ ខែឧសភា ២០១៨ កន្លងទៅ ខណៈមីស៊ីលមួយគ្រាប់ទៀត បានហោះទៅធ្លាក់នៅលើវាលខ្សាច់។ នេះបើតាមការបញ្ជាក់របស់អារ៉ាប៊ីសាអ៊ូឌីត នៅថ្ងៃទី២១ ខែឧសភា ២០១៨នេះ។

លោក Turki Almalki អ្នកនាំពាក្យកងទ័ពអារ៉ាប៊ីសាអ៊ូឌីត បានបញ្ជាក់ថា មីស៊ីលទាំងពីរគ្រាប់នោះ បានបាញ់សំដៅមកកាន់ក្រុង Jazan របស់អារ៉ាប៊ីសាអ៊ូឌីត។ ប៉ុន្ដែពុំមានអ្នករងរបួស ឬការបំផ្លាញណាមួយនោះទេ។

លោក Turki Almalki បានចោទថា សកម្មភាពបង្កជម្លោះនេះ គឺមានការពាក់ព័ន្ធនឹងប្រទេសអ៊ីរ៉ង់ ដែលបានគាំទ្រ និងផ្ដល់សម្ភារៈឲ្យទៅក្រុមចលនា Houthi។ លោកបន្ថែមថា ការបាញ់មីស៊ីលបាលិស្ទីក សំដៅទៅលើទីក្រុង និងភូមិដែលមានប្រជាជនយ៉ាងច្រើន គឺផ្ទុយនឹងច្បាប់មនុស្សធម៌អន្តរជាតិ៕

ប្រភព៖ CGTN ប្រែសម្រួល៖ វាសនា