លោក ស៊ុន ចាន់ថុល ទម្លាយថ្ងៃតភ្ជាប់កំណាត់ផ្លូវរថភ្លើងចុងក្រោយ ភ្នំពេញ-ប៉ោយប៉ែត
- 2018-05-29 04:45:48
- ចំនួនមតិ 0 | ចំនួនចែករំលែក 0
លោក ស៊ុន ចាន់ថុល ទម្លាយថ្ងៃតភ្ជាប់កំណាត់ផ្លូវរថភ្លើងចុងក្រោយ ភ្នំពេញ-ប៉ោយប៉ែត
ចន្លោះមិនឃើញ
លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់ថា កំណាត់ផ្លូវរថភ្លើងចុងក្រោយ ពីខេត្តពោធិ៍សាត់ មកភ្នំពេញ ដែលមានប្រវែង ១៦៦គីឡូម៉ែត្រ នឹងត្រូវតភ្ជាប់នៅថ្ងៃទី៤ ខែកក្កដា ២០១៨ ខាងមុខនេះ។ ការបញ្ជាក់របស់លោករដ្ឋមន្រ្តីសាធារណការបានធ្វើឡើងការដាក់ឲ្យប្រើប្រាស់រថភ្លើងដឹកអ្នកដំណើរ បាត់ដំបង-ពោធិ៍សាត់ ជាបណ្តោះអាសន្ន នៅថ្ងៃទី២៩ ខែឧសភា ២០១៨នេះ។
សូមបញ្ជាក់ថា មកពេលនេះ គម្រោងស្ដារឡើងវិញនូវផ្លូវដែកប៉ែកខាងជើងរបស់កម្ពុជា ត្រូវបានតភ្ជាប់ ៣ដំណាក់កាលហើយ។ ក្នុងនោះ ដំណាក់កាលទីមួយ គឺនៅថ្ងៃទី៤ ខែមេសា ២០១៨ តភ្ជាប់ពីប៉ោយប៉ែត មកកាន់សិរីសោភ័ណ មានប្រវែង ៤៨គីឡូម៉ែត្រ។ ដំណាក់កាលទីពីរ គឺនៅថ្ងៃទី២៦ ខែមេសា ២០១៨ តភ្ជាប់ពីសិរីសោភ័ណ មកកាន់បាត់ដំបង មានប្រវែង ៦៥គីឡូម៉ែត្រ។ ដំណាក់កាលទីបី គឺនៅថ្ងៃទី២៩ ខែឧសភា ២០១៨នេះ តភ្ជាប់ពីបាត់ដំបង មកកាន់ពោធិ៍សាត់ មានប្រវែង ១០៧គីឡូម៉ែត្រ។ ចំណែកកំណាត់ផ្លូវរថភ្លើងចុងក្រោយ ពីពោធិ៍សាត់ មកភ្នំពេញ ដែលមាន ១៦៦គីឡូម៉ែត្រ នឹងត្រូវតភ្ជាប់នៅថ្ងៃទី៤ ខែកក្កដា ២០១៨។ នេះបើតាមការសន្យារបស់លោក ស៊ុន ចាន់ថុល៕