បេសកកម្មរុករក MH370 ត្រូវបិទបញ្ចប់ជាស្ថាពរហើយ!

2018-05-29 07:48:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការរុករកយន្តហោះម៉ាឡេស៊ី MH370 ដែលបានបាត់ខ្លួនកាលពី៤ឆ្នាំមុន ឈានមកដល់ទីបញ្ចប់ហើយ ដោយតម្រុយពាក់ព័ន្ធបន្តិចក៏ពុំបានរកឃើញឡើយ។

បេសកកម្មរុករក MH370 ចុងក្រោយបង្អស់ ត្រូវបានធ្វើឡើងដោយក្រុមហ៊ុនឯកជនអាមេរិកមួយឈ្មោះ Ocean Infinity ដែលប្រើរយៈពេល៤ខែ រាប់ចាប់ពីដើមឆ្នាំ២០១៨ រហូតដល់ថ្ងៃទី២៩ ខែឧសភា នេះ។ រដ្ឋាភិបាលម៉ាឡេស៊ី បានបញ្ជាក់ថា ខ្លួននឹងមិនមានគម្រោងបន្តការរុករកថ្មីទៀតឡើយ។

យន្តហោះរបស់អាកាសចរណ៍ម៉ាឡេស៊ី នៅព្រលានយន្តហោះកូឡាឡាំពួរ (រូបថត៖ slideshare.net)

សូមបញ្ជាក់ថា យន្តហោះ MH370 បានបាត់ខ្លួន កាលពីឆ្នាំ២០១៤ ជាមួយមនុស្ស ២៣៩ ដែលនៅលើយន្តហោះ។ យន្តហោះនេះ បានធ្វើដំណើរពីក្រុងកូឡាឡាំពួរ ទៅកាន់ក្រុងប៉េកាំង ប្រទេសចិន ប៉ុន្តែបានបាត់ពីរ៉ាដា ពេលកំពុងធ្វើដំណើរ។ ការបាត់ខ្លួនរបស់ MH370 ត្រូវចាត់ទុកជាអាថ៌កំបាំងដ៏ធំបំផុតមួយ ក្នុងប្រវត្តិសាស្ត្រ។

ប្រទេសដែលធ្លាប់ចូលរួមក្នុងការស្វែងរក MH370 មាន ម៉ាឡេស៊ី ចិន និងអូស្ត្រាលី ដោយធ្វើការរុករកលើផ្ទៃក្រឡា ៧១ម៉ឺនគីឡូម៉ែត្រការ៉េនៅមហាសមុទ្រឥណ្ឌា ដែលគេសង្ស័យថាជាទីតាំងដែលយន្តហោះបានធ្លាក់។ ការរុករក ត្រូវបានក្រសួងដឹកជញ្ជូនអូស្ត្រាលីប៉ាន់ស្មានថា មានទំហំទឹកប្រាក់ ជាង ១៥០លានដុល្លារអាមេរិក៕

ប្រភព៖ BBC ប្រែសម្រួល៖ ឈាង.