អាមេរិកបាញ់សាកល្បងមីស៊ីលប្រឆាំងនាវា លើគោលដៅដែលកំពុងមានចលនា បានដោយជោគជ័យ

2018-05-31 08:44:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យន្តហោះទម្លាក់គ្រាប់បែកអាមេរិកដែលមានល្បឿនលឿនជាងសំឡេង B-1B បានជោគជ័យក្នុងការបាញ់សាកល្បងមីស៊ីលប្រឆាំងនាវា ២គ្រាប់ បំពាក់ដោយប្រព័ន្ធ sensor ដែលអភិវឌ្ឍដោយទីភ្នាក់ងារគម្រោងស្រាវជ្រាវទំនើបកម្មលើវិស័យយោធា (DARPA) សម្រាប់ពង្រឹងការវាយប្រហារមកលើផ្ទៃដី។

មីស៊ីលប្រឆាំងនាវា ដែលបាញ់ចេញពីយន្តហោះទម្លាក់គ្រាប់បែក B-1B

យោងតាមសេចក្តីប្រកាសរបស់ក្រុមហ៊ុនផលិតអាវុធអាមេរិក Lockheed Martin ដែលបានចេញផ្សាយកាលពីថ្ងៃទី២៣ ខែឧសភា កន្លងទៅ បានឲ្យដឹងថា មីស៊ីលទាំងពីរគ្រាប់នោះ បានហោះទៅគ្រប់គោលដៅដែលបានគ្រោងទុក និងបានបាញ់ចំគោលដៅដែលកំពុងមានចលនាលើផ្ទៃទឹក។

មីស៊ីលនេះ ត្រូវបានអភិវឌ្ឍឡើងដោយមានសមត្ថភាពបាញ់ចេញពីទីតាំងអនាមិក អាចចាប់សញ្ញាណ និងវាយប្រហារនាវា ដោយកាត់បន្ថយការពឹងផ្អែកលើការឈ្លបយកការណ៍ពីនាវាអាមេរិក នៅក្នុងដែនសមុទ្រមួយចំនួន៕

ប្រភព៖ Sputnik News ប្រែសម្រួល៖ វាសនា