ថៃ គ្រោងបញ្ជូនទុរេនទៅកាន់ទីអវកាស

2018-05-31 10:22:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ភ្នាក់ងារស្រាវជ្រាវអវកាសរបស់រដ្ឋាភិបាលថៃ គ្រោងនឹងបញ្ជូនទុរេនដុត ទៅកាន់អវកាស ក្នុងខែកក្កដាខាងមុខ។

លោក Ammarin Pimnoo ទីប្រឹក្សាភ្នាក់ងារអភិវឌ្ឍន៍បច្ចេកវិទ្យាអវកាស(GISTDA) កាលពីថ្ងៃទី ៣០ ឧសភាម្សិលមិញ បានបញ្ចេញនូវគម្រោង «Thai Food to Space»ទៅកាន់អ្នកសារព័ត៌មាន ព្រមទាំងបង្ហាញប្រអប់សម្រាប់ដាក់ទុរេនដុតផងដែរ។

ប្រអប់សម្រាប់ដាក់ទុរេន

លោក Pimnoo បានបន្តទៀតថា ទុរេនទាំងនេះ នឹងអណ្ដែតនៅក្នុងអវកាសប្រមាណ ៤-៥នាទី មុននឹងវាត្រូវបានបញ្ជូនត្រឡប់មកផែនដីវិញ។ អំឡុងពេលនៃការអណ្ដែតនេះ អ្នកវិទ្យាសាស្ត្រ នឹងសិក្សាថា តើការគ្មានទំនាញផែនដីនៅលើឋានអវកាស ជះឥទ្ធិពលយ៉ាងណាទៅដល់ប្រអប់សម្រាប់ដាក់ទុរេនដុតទាំងនេះ។

យោងតាមសារព័ត៌មាន Matichon ជាភាសាថៃ បានចុះផ្សាយថា ទុរេនទាំងអស់ នឹងត្រូវបញ្ជូនទៅកាន់អវកាស ដោយបំពាក់លើក្បាលរ៉ុកកែតមួយ ដែលនឹងត្រូវបាញ់បង្ហោះដោយក្រុមហ៊ុនរ៉ុកកែតឯកជនមួយរបស់សហរដ្ឋអាមេរិក។

ប្រភព៖ Coconut ប្រែសម្រួល៖ អឹុម ម៉េងស៊ាង