នាយករដ្ឋមន្ត្រីដាស់តឿនខេត្ត១ ឲ្យប្រឹងប្រែងបន្ថែមសម្រាប់កីឡាជាតិលើកទី៣

2018-06-04 23:21:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាងលទ្ធផលមេដាយ នៃការប្រកួតកីឡាជាតិ លើកទី២ ឆ្នាំ២០១៨ ចាប់ពីថ្ងៃទី២៥ ឧសភា ដល់ថ្ងៃទី០៤ មិថុនា បង្ហាញថា ក្នុងចំណោមខេត្តរាជធានីទាំង ២៥ និងក្រសួង ៣ ដែលចូលរួមប្រកួតប្រជែងក្នុងព្រឹត្តិការណ៍កីឡាជាតិនេះ គឺខេត្តប៉ៃលិន មិនទទួលបានមេដាយអ្វីសោះ។ ចំណុចនេះ ត្រូវបានសម្តេចនាយករដ្ឋមន្ត្រី ហ៊ុន សែន ប្រកាសដាស់តឿនឲ្យខេត្តប៉ៃលិន ប្រឹងប្រែងហ្វឹកហាត់បន្ថែមទៀត ដើម្បីចូលរួមការប្រកួតព្រឹត្តិការណ៍កីឡាជាតិ លើកទី៣ នៅឆ្នាំ២០២០។

សម្តេច ហ៊ុន សែន អញ្ជើញជាអធិបតីភាពក្នុងពិធីបិទកីឡាជាតិលើកទី២ នៅពហុកីឡដ្ឋានជាតិ (រូបថត៖ FB ក្រសួងអប់រំ)

តារាងមេដាយនៃការប្រកួតកីឡាជាតិ លើកទី២ ដែលបានបិទបញ្ចប់នាព្រលប់ថ្ងៃទី០៤ ខែមិថុនា ឆ្នាំ២០១៨ បង្ហាញថា ក្រសួងមហាផ្ទៃ ជាប់ចំណាត់ថ្នាក់លេខ១ ដោយទទួលបានមេដាយសរុប ១១៧ ក្នុងនោះមានមេដាយមាស ៦៥។ លេខ២ រាជធានីភ្នំពេញ ទទួលបានមេដាយសរុប ១០៥ ក្នុងនោះ មេដាយមាស ៣៣។ លេខ ៣ ក្រសួងការពារជាតិ ទទួលបានមេដាយសរុប ៥៥ ដោយក្នុងនោះ មេដាយមាស ២៩។

សូមបញ្ជាក់ថា ព្រឹត្តិការណ៍កីឡាជាតិ លើកទី៣ នឹងត្រូវរៀបចំឡើង នៅឆ្នាំ២០២០ ហើយព្រឹត្តិការណ៍កីឡាជាតិលើកទី៤ នឹងធ្វើឡើងនៅឆ្នាំ២០២២។ ព្រឹត្តិការណ៍កីឡាជាតិ ត្រូវបានរៀបចំឡើងរៀងរាល់ ២ឆ្នាំម្តង ដើម្បីកម្ពុជាត្រៀមធ្វើជាម្ចាស់ផ្ទះ ក្នុងរៀបចំព្រឹត្តិការណ៍កីឡាស៊ីហ្គេម នៅឆ្នាំ២០២៣៕

អត្ថបទ៖ លីហៀង