សុខ ធី និងរិន សារ័ត្ន ដឹកដៃគ្នាទៅប្រកួតនៅម៉ាកាវ ក្នុងកម្មវិធីដ៏ធំបំផុតមួយ

2018-06-05 08:42:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករគុនខ្មែរ សុខ ធី និង រិន សារ័ត្ន នឹងចូលរួមប្រកួតនៅក្នុងកម្មវិធីធំ One Championship នៅថ្ងៃទី២៣ ខែមិថុនា ឆ្នាំ២០១៨ នាក្រុងម៉ាកាវ ដោយត្រូវប៉ះជើងខ្លាំងមកពីថៃ និងឥណ្ឌូណេស៊ី។

សុខ ធី កំពុងគុនគ្រូ

បើតាមការបង្ហោះលើទំព័រហ្វេសប៊ុកផ្លូវការរបស់ One Championship បានបង្ហាញថា ជើងខ្លាំងរបស់កម្ពុជា និងជាម្ចាស់ខ្សែក្រវាត់ទម្ងន់ ៥៧គីឡូក្រាម សុខ ធី នឹងត្រូវទៅចូលរួមក្នុងព្រឹត្តិការណ៍ធំរបស់អាស៊ីខាងលើ ដែលនឹងត្រូវតតាំងជាមួយអ្នកប្រដាល់ថៃ Lerdsila Phuket Tom Team។ ចំណែកកីឡាករ រិន សារ័ត្ន នឹងត្រូវប៉ះកីឡាករឥណ្ឌូណេស៊ី Mario Satya Wirawan ក្នុងការប្រកួត MMA។

រិន សារ័ត្ន ក្នុងសន្និសីទសារព័ត៌មាន នៅទីក្រុងហ្សាកាតា ប្រទេសឥណ្ឌូណេស៊ី កាលពីដើមឆ្នាំ២០១៨

សូមបញ្ជាក់ថា ការប្រកួតនេះរវាង សុខ ធី និងកីឡាករថៃ មិនមែនការប្រកួតក្បាច់ចម្រុះ MMA ទេគឺ ជាការប្រកួតប្រដាល់សេរីដែលមានកម្មវិធី ONE Super series ដែលជាផ្នែកមួយរបស់ One Championship ដែរ។ ការប្រកួតនេះមាន៥ទឹក ក្នុងនោះ១ទឹកមានរយៈពេល៣នាទី៕