ក្រសួងការបរទេស៖ EU មិនបានផ្តាច់ទំនាក់ទំនងជាមួយកម្ពុជាទេ

2018-06-08 07:29:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក អ៊ុច បូររិទ្ធ រដ្ឋលេខាធិការក្រសួងការបរទេស បានបញ្ជាក់ថា រហូតមកដល់ពេលនេះ សហភាពអឺរ៉ុប នៅមិនទាន់មានវិធានការ ឬការសម្រេចណាមួយក្នុងការផ្តាច់ទំនាក់ទំនងជាមួយប្រទេសកម្ពុជានោះទេ។ ការបញ្ជាក់នេះ ធ្វើឡើងក្នុងសន្និសីទសារព័ត៌មាន១នាព្រឹកថ្ងៃទី៨ ខែមិថុនា ឆ្នាំ២០១៨ បន្ទាប់ពីលោក សម រង្ស៊ី ប្រធានចលនាសង្គ្រោះជាតិ បានថ្លែងតាមបណ្តាញសង្គមហ្វេសប៊ុកថា សហភាពអឺរ៉ុបផ្តាច់ទំនាក់ទំនងជាមួយកម្ពុជា។

លោក សម រង្ស៊ី ថ្លែងនាពេលកន្លងមក

លោក អ៊ុច បូររិទ្ធ បានលើកឡើងថា អ្វីដែលលោក សម រង្ស៊ី និយាយគឺជារឿងមិនពិត។ លោកបានអះអាងថា សហភាពអឺរ៉ុប នៅតែបន្តទំនាក់ទំនងជាមួយកម្ពុជា សហការគ្នា ពិភាក្សាគ្នាលើមូលដ្ឋានការគោរពគ្នាទៅវិញទៅមក ស្មើភាព និងមានផលប្រយោជន៍ទៅវិញទៅមក។

បើតាមសារព័ត៌មានក្នុងស្រុក TVFB ដែលបានដកស្រង់ការលើកឡើងរបស់លោក George Edgar ឯកអគ្គរដ្ឋទូតសហភាពអឺរ៉ុបប្រចាំកម្ពុជា តាមរយៈសារអេឡិចត្រូនិក កាលពីថ្ងៃទី៧ ខែមិថុនា ឆ្នាំ២០១៨ថា ក្រៅពីផ្អាកផ្តល់ជំនួយឱ្យកម្ពុជា លើស្ថាប័នគណៈកម្មាធិការជាតិរៀបចំការបោះឆ្នោត (គ.ជ.ប) ក្រោយការរំលាយគណបក្សសង្គ្រោះជាតិនោះ សហភាពអឺរ៉ុប គឺនៅតែបន្តកិច្ចព្រមព្រៀងសហប្រតិបត្តិការជាមួយកម្ពុជា៕

អត្ថបទ៖ សោភា