អាល្លឺម៉ង់ បញ្ចប់ភាពមិនធ្លាប់ឈ្នះក្នុងរយៈពេល ៨ខែ

2018-06-09 01:52:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិអាល្លឺម៉ង់ បានយកឈ្នះក្រុមជម្រើសជាតិអារ៉ាប៊ីសាអ៊ូឌីត ដោយលទ្ធផល ២-១ ក្នុងការប្រកួតមិត្តភាពអន្តរជាតិកម្ដៅសាច់ដុំ កាលពីយប់មិញ។ លទ្ធផលនេះ មានន័យថា អាល្លឺម៉ង់ ស្គាល់ពាក្យថាឈ្នះជាថ្មីក្នុងរយៈពេលប្រហែល ៨ខែកន្លងទៅ បន្ទាប់ពីឈ្នះលើកចុងក្រោយ កាលពីថ្ងៃទី១០ ខែកញ្ញា ឆ្នាំ២០១៧ ដោយបំបាក់ក្រុមអាហ្សេបៃហ្សង់ ៥-១។

Thomas Muller អបអរពេលកីឡាករ Hawsawi ធ្វើឲ្យបាល់ចូលទីខ្លួនឯង (រូបថត៖ AP)

យប់មិញ អាល្លឺម៉ង់ ស្ទើរតែស្មើក្រុមមកពីអាស៊ី (អារ៉ាប៊ីសាអ៊ូឌីត) ទៅហើយ ពោលគឺ អាល្លឺម៉ង់ និងអារ៉ាប៊ីសាអ៊ូឌីត រកបាន១គ្រាប់ដូចគ្នា តែក្រុមខ្លាំងមកពីអាស៊ី បានធ្វើឲ្យបាល់ចូលទីខ្លួនឯង ១គ្រាប់។ គ្រាប់បាល់របស់អាល្លឺម៉ង់ កើតឡើងនៅនាទី៨ និង ៤៣ មុនអារ៉ាប៊ីសាអ៊ូឌីត វាយបកបាន១គ្រាប់នៅនាទី ៨៤។

សូមបញ្ជាក់ថា អាល្លឺម៉ង់ ដែលជាជើងឯក World Cup កាលពីឆ្នាំ២០១៤ បានប្រកួតស្មើ ៣ និង ចាញ់២ ក្នុងរយៈពេល ៨ខែចុងក្រោយ ហើយជ័យជម្នះលើអារ៉ាប៊ីសាអ៊ូឌីត គឺជាការត្រៀមខ្លួនដ៏ល្អសម្រាប់ព្រឹត្តិការណ៍ FIFA World Cup ២០១៨ នៅប្រទេសរុស្ស៊ី ដែលចាប់ផ្ដើមនៅថ្ងៃទី១៤ ខែមិថុនា ខាងមុខនេះ៕

ទស្សនាវីដេអូខាងក្រោម