អ្នកទេសចរបារាំងភ្ញាក់ផ្អើល ក្រោយឃើញទង់បក្ស Nazi ត្រូវបានដាក់លក់ព្រោងព្រាតនៅថៃ

2018-06-11 06:36:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ភ្ញៀវទេសចរបារាំងម្នាក់ បានភ្ញាក់ផ្អើលជាខ្លាំង ក្រោយពីលោកបានឃើញទង់ និងវត្ថុអនុស្សាវរីយតំណាងបក្សNazi អមជាមួយនឹងរូបលោក អាដុលហ្វ៍ ហ៊ីត្លែរ ត្រូវបានដាក់លក់ព្រោងព្រាត នៅទីតាំងទេសចរណ៍មួយចំនួន ក្នុងប្រទេសថៃ។

ទង់បក្ស Nazi ត្រូវបានដាក់លក់ នៅកន្លែងលក់របស់អនុស្សាវរីយ៍មួយកន្លែង នៅកោះPattaya ប្រទេសថៃ។ រូបភាព Chaiyot Pupattanapong

លោក Alexandre Jandaeng វ័យ ៣៤ឆ្នាំ បានថតរូបមួយសន្លឹកដោយប្រើប្រាស់ទូរសព្ទរបស់លោក រួចបានទៅសួរនាំសមត្ថកិច្ចប្រចាំតំបន់ កាលពីថ្ងៃសៅរ៍កន្លងទៅ អំពីការលក់ទាំងនេះ ពោលគឺចង់ដឹងឲ្យច្បាស់ថា តើវាស្របច្បាប់ដែរឬទេ។ យ៉ាងណាក្តី លោក Alexandre បានបន្តថា និមិត្តសញ្ញាបក្ស Nazi ទាំងនោះ ត្រូវបានហាមឃាត់នៅក្នុងប្រទេសរបស់លោក។

ឆ្លើយតបនឹងរឿងនេះ សមត្ថកិច្ចមូលដ្ឋាន បានពន្យល់ប្រាប់គាត់ថា ច្បាប់នៃប្រទេសថៃ មិនបានហាមឃាត់និមិត្តសញ្ញា Swastika (តំណាងឲ្យបក្ស Nazi) នោះទេ ប៉ុន្តែការលក់ គឺត្រូវស្របទៅតាមច្បាប់ប្រទេស។

គួរបញ្ជាក់ដែរថា ប្រទេសនៅតំបន់អឺរ៉ុបមួយចំនួន ក្នុងនោះមានដូចជា ប្រទេសបារាំង និងអាល្លឺម៉ង់ បានធ្វើការហាមឃាត់រាល់រូបភាពណាក៏ដោយដែលពាក់ព័ន្ធនឹងរូបសញ្ញា Swastika។ រូបសញ្ញា Swastika ត្រូវលោក ហ៊ីត្លែរ យកទៅប្រើប្រាស់ នៅពេលដែលលោកដឹកនាំអាល្លឺម៉ង់ អំឡុងសង្គ្រាមលោកលើកទី២ ដែលបានបណ្ដាលឲ្យមនុស្សស្លាប់រាប់លាននាក់ក្នុងសង្គ្រាមនេះ៕

ប្រភព៖ Bangkokpost ប្រែសម្រួល៖ អឹុម ម៉េងស៊ាង