លោក សម រង្ស៊ី ចូលរួមរំលែកមរណទុក្ខ និងជូនពរសម្តេចក្រុមព្រះនរោត្តម រណឫទ្ធិ

2018-06-20 04:02:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក សម រង្ស៊ី អតីតប្រធានអតីតគណបក្សសង្គ្រោះជាតិ បានសម្តែងការសោកស្តាយ និងចូលរួមរំលែកមរណទុក្ខដល់សម្តេចក្រុមព្រះ នរោត្តម រណឬទ្ធិ ប្រធានគណបក្សហ៊្វុនស៊ីនប៉ិច ដែលអ្នកម្នាង អ៊ុក ផល្លា បានទទួលមរណភាពក្នុងឧបទ្ទវហេតុគ្រោះថ្នាក់ចរាចរណ៍នៅខេត្តព្រះសីហនុ។ សារមរណទុក្ខនេះ បានធ្វើឡើងតាមរយៈបណ្តាញសង្គម Twitter របស់លោក សម រង្ស៊ី កាលពីថ្ងៃទី១៩ ខែមិថុនា ឆ្នាំ២០១៨ម្សិលមិញ។

ជាមួយគ្នានេះ លោក សម រង្ស៊ី ក៏បានជូនពរដល់សម្តេចក្រុមព្រះ ឱ្យបានឆាប់ជាសះស្បើយពីរបួសផងដែរ។

សំណេរជាភាសាអង់គ្លេស របស់លោក សម រង្ស៊ី នៅលើបណ្តាញសង្គម Twitter កាលពីថ្ងៃទី១៩ ខែមិថុនា ឆ្នាំ២០១៨ម្សិលមិញនេះ។

សូមជម្រាបថា សម្តេចក្រុមព្រះ និងអ្នកម្នាង បានជួបគ្រោះថ្នាក់ចរាចរណ៍នៅស្រុកព្រៃនប់ ខេត្តព្រះសីហនុ កាលពីព្រឹកថ្ងៃទី១៧ ខែមិថុនា ឆ្នាំ២០១៨។ ឧបទ្ទវហេតុនេះ គឺសម្តេចក្រុមព្រះ បានរងរបួសធ្ងន់ ចំណែកអ្នកម្នាង អ៊ុក ផល្លា បានទទួលមរណភាព។

គិតត្រឹមព្រឹកថ្ងៃទី២០ ខែមិថុនា ឆ្នាំ២០១៨នេះ ស្ថានភាពជំងឺរបស់សម្តេចក្រុមព្រះ បានធូរស្បើយជាងមុនហើយ។ នេះបើតាមការបញ្ជាក់របស់លោក ញ៉េប ប៊ុនជិន អ្នកនាំពាក្យគណបក្សហ៊្វុនស៊ិនប៉ិច បានថ្លែងប្រាប់ក្រុមអ្នកកាសែតនៅកន្លែងបូជាអ្នកម្នាង អ៊ុក ផល្លា មុខវត្តបទុមវត្តី៕

អត្ថបទទាក់ទង៖ ទិដ្ឋភាពពិធីដង្ហែ និងបូជាសពអ្នកម្នាង អ៊ុក ផល្លា នៅព្រឹកនេះ

អត្ថបទ៖ សំភី