ប្រទេសអឺរ៉ុបមួយទៀត ចាត់វិធានការសងសឹកអាមេរិក លើបញ្ហាពន្ធនាំចូល
- 2018-06-21 07:42:23
- ចំនួនមតិ 0 | ចំនួនចែករំលែក 0
ប្រទេសអឺរ៉ុបមួយទៀត ចាត់វិធានការសងសឹកអាមេរិក លើបញ្ហាពន្ធនាំចូល
ចន្លោះមិនឃើញ
នៅថ្ងៃទី២១ ខែមិថុនា ២០១៨នេះ ប្រទេសតួកគីបានចាត់វិធានការសងសឹកលើការដំឡើងពន្ធនាំចូលដែកថែប និងអាលុយមីញ៉ូមរបស់សហរដ្ឋអាមេរិក។ តួកគីបានសម្រេចអនុវត្តការយកពន្ធលើទំនិញអាមេរិក ដែលមានទំហំទឹកប្រាក់ ២៦៦,៥លានដុល្លារ។ នេះបើតាមការបញ្ជាក់ពីលោក Nihat Zeybekci រដ្ឋមន្រ្តីក្រសួងសេដ្ឋកិច្ចតួកគី។
សូមរម្លឹកថា កាលពីខែមីនា ២០១៨ កន្លងទៅ លោក ដូណាល់ ត្រាំ ប្រធានាធិបតីអាមេរិកបានសម្រេចកំណត់ពន្ធ ២៥% លើដែកថែប និង ១០% លើអាលុយមីញូម ដែលនាំចូលក្នុងទឹកដីសហរដ្ឋអាមេរិក។
សូមបញ្ជាក់ថា មកដល់ពេលនេះ មានប្រទេសចិន និងសហភាពអឺរ៉ុបបានសម្រេចសងសឹកលើចំណាត់ការដំឡើងពន្ធរបស់អាមេរិក ខណៈដែលប្រទេសរុស្ស៊ី និងប្រទេសនាំចេញដែកថែបមួយចំនួនទៀត ក៏គ្រោងចាត់វិធានការសងសឹកលើចំណាត់ការពន្ធរបស់អាមេរិកផងដែរ៕