ចាន់ វឌ្ឍនាកា ចូលក្លឹបដើម បឹងកេតវិញហើយ

2018-06-23 08:59:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងសន្និសីទសារព័ត៌មាន នៅរសៀលថ្ងៃសៅរ៍ ទី២៣ ខែមិថុនា ឆ្នាំ២០១៨ កីឡាករឆ្នើមរបស់កម្ពុជា ចាន់ វឌ្ឍនាកា បានបង្ហាញខ្លួន ហើយក៏បានប្រកាសពីការចូលរួមលេងក្នុងក្លឹបបឹងកេត វិញផងដែរ។

ចាន់ វឌ្ឍនាកា បង្ហាញខ្លួនក្នុងសន្និសីទសារព័ត៌មានរបស់បឹងកេត នៅរសៀលថ្ងៃទី២៣ ខែមិថុនា ឆ្នាំ២០១៨នេះ

ក្នុងសន្និសីទខាងលើ កីឡាករដែលមានរហស្សនាមថា CV11 បញ្ជាក់ថា ដោយសារតែបេះដូងរបស់គេ នៅជាប់នឹងក្លិបបឹងកេត ទើបរូបគេសម្រេចចិត្តវិលមកលេងនៅក្លិបចាស់ ក្នុងស្រុកវិញ។ ទាំងចាន់វឌ្ឍានាកា ទាំងគ្រូបង្វឹក និងទាំងអ្នកចាត់ការទូទៅរបស់ក្លិបបឹងកេត មិនបានប្រាប់ពីតម្លៃខ្លួនរបស់ ចាន់ វឌ្ឍនាកា ដែលវិលត្រលប់មកលេងនៅបឹងកេតឡើងវិញ នាពេលនេះឡើយ។

ចាន់ វឌ្ឍនាកា

កើតនៅថ្ងៃទី២៣ ខែមករា ឆ្នាំ១៩៩៤ នៅខេត្តកំពត ចាន់ វឌ្ឍនាកា បានចូលលេងបាល់ទាត់ ក្នុងក្រុមយុវជនរបស់ក្រុមបាល់ទាត់ ព្រះខ័នរាជ នៅឆ្នាំ២០១០។ ពីឆ្នាំ២០១១-២០១២ ចាន់ វឌ្ឍនាកា លេងនៅក្លឹបព្រះខ័នរាជ។ ពីឆ្នាំ២០១២-២០១៧ ចាន់ វឌ្ឍានាកា លេងនៅក្លឹប បឹងកេង។ ក្នុងដើមឆ្នាំ២០១៧ ចាន់ វឌ្ឍានាកា បានចេញទៅលេងនៅជប៉ុន ក្នុងក្លឹប Fujieda MYFC ក្នុងនាមជាកីឡាករខ្ចីជើង។ នៅដើមឆ្នាំ២០១៨ ចាន់ វឌ្ឍានាកា បានចាកចេញពីក្លឹបជប៉ុន Fujieda ទៅកាន់ប្រទេសម៉ាឡេស៊ី នៅក្លឹប Pahang ។ នៅថ្ងៃទី២៣ ខែមិថុនា ឆ្នាំ២០១៨ ចាន់ វឌ្ឍានាកា បានប្រកាសវិលចូលក្លឹប បឹងកេត វិញ។

សម្រាប់ក្រុមជម្រើសជាតិ ចាន់ វឌ្ឍនាកា បានជាប់ក្នុងក្រុមយុវជនអាយុក្រោម ១៩ ឆ្នាំ នៅឆ្នាំ២០១១។ នៅឆ្នាំ២០១២-២០១៥ ចាន់ វឌ្ឍនាកា ជាកីឡាករជម្រើសជាតិ ក្របខ័ណ្ឌយុវជនអាយុក្រោម ២៣ ឆ្នាំ។ ចាប់ពីឆ្នាំ២០១៣ ចាន់ វឌ្ឍនាកា ជាកីឡាករបាល់ទាត់ជម្រើសជាតិកម្ពុជា រហូតដល់ខែមិថុនា ឆ្នាំ២០១៨ នេះ៕

អត្ថបទ៖ លីហៀង