ក្រសួងអប់រំ បញ្ជាក់ពីចំនួនបេក្ខជន មណ្ឌល និងថ្ងៃប្រកាសលទ្ធផលប្រឡងបាក់ឌុប ២០១៨ហើយ

2018-06-28 04:43:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងអប់រំ យុវជន និងកីឡា បានប្រកាសជាផ្លូវការនៅថ្ងៃទី២៨ ខែមិថុនា ឆ្នាំ២០១៨នេះថា ការប្រឡងសញ្ញាបត្រមធ្យមសិក្សាទុតិយភូមិ ដែលប្រព្រឹត្តធ្វើឡើងនៅថ្ងៃទី២០ ខែសីហា ឆ្នាំ២០១៨ខាងមុខនេះ គឺមានបេក្ខជនសរុប ១១៧ ០៦១នាក់ និងមានមណ្ឌលប្រឡងសរុប ១៩៥មណ្ឌល ចែកចេញជា ៤៧១៦បន្ទប់ នៅ ២៥ រាជធានី-ខេត្តទូទាំងប្រទេស។

មណ្ឌលប្រឡងបាក់ឌុប នៅវិទ្យាល័យឥន្ទ្រទេវី កាលពីឆ្នាំ២០១៦

សេចក្តីប្រកាសព័ត៌មានរបស់ក្រសួងអប់រំ បានបញ្ជាក់ថា ការប្រឡងនេះ នឹងត្រូវប្រកាសលទ្ធផលនៅតាមមណ្ឌលប្រឡងនីមួយៗ នារសៀលថ្ងៃទី១១ ខែកញ្ញា ឆ្នាំ២០១៨ សម្រាប់មណ្ឌលប្រឡងនៅរាជធានីភ្នំពេញ និងខេត្តកណ្តាល និងនៅថ្ងៃទី១២ ខែកញ្ញា ឆ្នាំ២០១៨ សម្រាប់មណ្ឌលប្រឡងនៅខេត្តផ្សេងៗ។

បេក្ខជន មកមើលលទ្ធផលប្រឡងបាក់ឌុប នៅមណ្ឌលប្រឡង១កន្លែង ក្នុងរាជធានីភ្នំពេញ កាលពីឆ្នាំ២០១៦

ក្រសួងអប់រំ ក៏បានឱ្យដឹងកាលពីថ្មីៗនេះដែរថា បញ្ជីឈ្មោះបេក្ខជន លេខតុ លេខបន្ទប់ និងបទបញ្ញត្តិផ្សេងៗទាក់ទងនឹងការប្រឡង នឹងត្រូវបិទផ្សព្វផ្សាយ តាមមណ្ឌលប្រឡង ចាប់ពីម៉ោង ៩ ព្រឹក ថ្ងៃទី១៩ ខែសីហា ឆ្នាំ២០១៨៕

អត្ថបទ៖ សំភី