World Cup វគ្គផ្ដាច់ព្រ័ត្រ៖ វៀតណាមដំឡើងតម្លៃផ្សាយពាណិជ្ជកម្មតាមកញ្ចក់ទូរទស្សន៍

2018-06-29 08:05:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទូរទស្សន៍ជាតិ VTV របស់វៀតណាមបានប្រកាសដំឡើងតម្លៃការចាក់ផ្សាយពាណិជ្ជកម្មតាមកញ្ចក់ទូរទស្សន៍ អំឡុងម៉ោងចប់តង់ទី១ នៃការប្រកួត WorldCup វគ្គផ្ដាច់ព្រ័ត្រ ដល់ទៅ ៦០%។ នេះបើតាមការចុះផ្សាយរបស់សារព័ត៌មានវៀតណាម VNExpress នៅថ្ងៃទី២៩ មិថុនានេះ។

ក្នុងបន្ទប់ផ្សាយរបស់ទូរទស្សន៍ជាតិ VTV របស់វៀតណាម។ រូបភាព៖ ictnews.vn

សម្រាប់ការដំឡើងថ្មីនេះ ក្រុមហ៊ុនជំនួញដែលមានបំណងចង់ផ្សព្វផ្សាយផលិតផល ឬសេវាកម្មរបស់ខ្លួន នឹងត្រូវបង់ប្រាក់ប្រមាណជាង ៣,៥ម៉ឺនដុល្លារ សម្រាប់រយៈពេលផ្សាយ៣០វិនាទី នៅលើទូរទស្សន៍ប៉ុស្តិ៍ VTV6 និង VTV2 អំឡុងម៉ោងចប់តង់ទី១ នៃការប្រកួត WorldCup វគ្គផ្ដាច់ព្រ័ត្រ។ ជម្រើសមួយទៀត គឺតម្លៃ ១,៧ម៉ឺនដុល្លារ សម្រាប់ការចាក់ផ្សាយ១០វិនាទី។

គួរបញ្ជាក់ដែរថា ទូរទស្សន៍ជាតិ VTV កាលពីថ្ងៃទី១១ មិថុនាកន្លងទៅ ធ្លាប់បានប្រកាសថា ការចាក់ផ្សាយពាណិជ្ជកម្មសម្រាប់ World Cup វគ្គផ្តាច់ព្រ័ត្រ មានតម្លៃជាង ២,១ម៉ឺនដុល្លារ សម្រាប់រយៈពេល ៣០វិនាទី៕

ប្រភព៖ vnexpress ប្រែសម្រួល៖ អឹុម ម៉េងស៊ាង