World Cup៖ បែលហ្សិក វាយបកយកឈ្នះជប៉ុន នៅចុងម៉ោងបន្ថែម ឡើងទៅជួប ប្រេស៊ីល

2018-07-02 20:04:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបែលហ្សិក បានទម្លាក់ជប៉ុន ដោយការវាយបកយកឈ្នះនៅចុងម៉ោងបន្ថែមតង់ទី២ ក្នុងលទ្ធផល ៣-២ ក្នុងការប្រកួត World Cup 2018 នៅប្រទេសរុស្ស៊ី វគ្គ១៦ក្រុមចុងក្រោយ នាយប់រំលងអាធ្រាត្រឈានចូលថ្ងៃទី៣ ខែកក្កដានេះ។

ជប៉ុន បាននាំមុខ២គ្រាប់មុន គឺធ្វើបានដោយ Genki Haraguchi នៅនាទី៤៨ និង Takashi Inui នាទី៥២។ ប៉ុន្តែបែលហ្សិក បានវាយបកយកឈ្នះចំនួន៣គ្រាប់វិញជាបន្តបន្ទាប់ ធ្វើបានដោយ Jan Vertonghen នាទី៦៩ Marouane Fellaini នាទី៧៤ និង Nacer Chadli នាទី៩០+៤។

គ្រាប់បាល់ទី១របស់បែលហ្សិក ដែលតែតបញ្ចូលទីក្រុមជប៉ុន ដោយ Jan Vertonghen នៅនាទី៦៩ (រូបថត៖ Reuters)

លទ្ធផលនេះ បានធ្វើឱ្យ បែលហ្សិក មានឱកាសទៅជួប ប្រេស៊ីល នៅវគ្គ៨ក្រុមចុងក្រោយ ដែលនឹងត្រូវប្រកួតនៅថ្ងៃទី៦ ខែកក្កដា ខាងមុខនេះ។

កីឡាករបែលហ្សិក អបអរក្រោយស៊ុតបញ្ចូលទីក្រុមជប៉ុន (រូបថត៖ Reuters)

ដូច្នេះ នៅវគ្គ៨ក្រុម គឺរកបាន ៦ក្រុមហើយ ដោយ៤ក្រុមទៀតគឺ អ៊ុយរុយហ្គាយ ប្រកួតជាមួយបារាំង នៅថ្ងៃទី៦កក្កដា និងរុស្ស៊ី ប៉ះ ក្រូអាត នៅថ្ងៃទី៧ ខែកក្កដា។ ចំណែកនៅសល់២ក្រុមទៀត នឹងរកឃើញនៅយប់ថ្ងៃទី៣កក្កដានេះ៕

អត្ថបទ៖ សំភី