Maradona ថា ហ៊ានដឹកនាំជម្រើសជាតិអាហ្សង់ទីនដោយមិនយកប្រាក់ឈ្នួល

2018-07-04 04:06:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Diego Maradona ថា លោកនឹងទៅដឹកនាំក្រុមជម្រើសជាតិអាហ្សង់ទីន ដោយមិនយកប្រាក់ឈ្នួល ប្រសិនបើសហព័ន្ធកីឡាបាល់ទាត់អាហ្សង់ទីន ហ៊ានបណ្ដេញលោក Jorge Sampaoli ចេញពីតំណែងជាគ្រូបង្វឹកបច្ចុប្បន្ន។

លោក Maradona លើកដៃពីរ ពេលទស្សនាការប្រកួតរបស់ក្រុមជម្រើសជាតិអាហ្សង់ទីន (រូបថត៖ Reuters)

ការលើកឡើងដូច្នេះ ព្រោះអាហ្សង់ទីនត្រូវខាតបង់ ១៧លានផោន (ជាង២២លានដុល្លារអាមេរិក) ប្រសិនបើសម្រេចបណ្ដេញលោក Sampaoli ដែលនៅជាប់កុងត្រារយៈពេល៤ឆ្នាំ។

ក្រោមការដឹកនាំរបស់លោក Sampaoli អាហ្សង់ទីនបានធ្លាក់ចេញពីព្រឹត្តិការណ៍ FIFA World Cup 2018 ត្រឹមវគ្គ១៦ក្រុមចុងក្រោយ បន្ទាប់ពីចាញ់ក្រុមបារាំង ដោយលទ្ធផល ៤-៣ ។ ជាងនេះទៅទៀត សេចក្ដីរាយការណ៍បានឲ្យដឹងថា សមាជិកនៃក្រុមជម្រើសជាតិអាហ្សង់ទីនមិនសប្បាយចិត្តនឹងគ្រូបង្វឹកបច្ចុប្បន្នឡើយ។

លោក Sampaoli ក្នុងសន្និសីទសារព័ត៌មាន (រូបថត៖ metro.co.uk)

សូមជម្រាបថា លោក Maradona គឺជានាយកបាល់ទាត់របស់ក្លឹប Dinamo Brest នៅប្រទេសបេឡារូស ក្រោយពីចែកផ្លូវពីក្លឹប Fujairah នៅប្រទេសអារ៉ាប់រួម ក្នុងនាមជាគ្រូបង្វឹក។

គ្រូបង្វឹកក្រុមអាហ្សង់ទីនបច្ចុប្បន្នលោក Sampaoli នឹងត្រូវចូលជួបជាមួយប្រធានសហព័ន្ធកីឡាបាល់ទាត់អាហ្សង់ទីន នៅក្នុងសប្ដាហ៍នេះ៕

ប្រភព៖ Mirror ប្រែសម្រួល៖ លាភ.