លោក ពូទីន សាទរលោកម៉ាក្រុង ដែលបារាំងឈានដល់វគ្គផ្តាច់ព្រ័ត្រ World Cup

2018-07-11 02:18:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីរុស្ស៊ី វ៉្លាឌីមៀ ពូទីន បានអបអរសាទរលោកប្រធានាធិបតីបារាំង អេម៉ានួអែល ម៉ាក្រុង ដែលក្រុមជម្រើសជាតិបារាំង បានយកឈ្នះក្រុមជម្រើសជាតិបែលហ្សិក កាលពីយប់ថ្ងៃអង្គារម្សិលមិញ និងឈានដល់វគ្គផ្ដាច់ព្រ័ត្រ WorldCup។ នេះបើតាមការបញ្ជាក់របស់វិមាន Kremlin នៅថ្ងៃទី ១១ កក្កដា ឆ្នាំ២០១៨។

លោក ម៉ាក្រុង(ស្តាំ) ជាមួយនឹងស្តេច Philippe នៃប្រទេស បែលហ្សិក អមដោយម្ចាស់ក្សត្រី Mathildeក្នុងអំឡុងការប្រកួតរវាងបារាំង និងបែលហ្សិកកាលពីយប់មិញ នៅកីឡដ្ឋាន Petersburg ។ រូបភាព៖ AP

សារព័ត៌មានខាងលើបានដកស្រង់ចេញពីសេចក្ដីថ្លែងការណ៍ដូច្នេះថា «ភ្លាមៗក្រោយពីការប្រកួតវគ្គពាក់កណ្ដាលផ្ដាច់ព្រ័ត្រ រវាងបារាំងនិងបែលហ្សិក លោកប្រធានាធិបតីរុស្ស៊ី វ្ល៉ាឌីមៀ ពូទីន បានហៅទូរសព្ទទៅកាន់លោកប្រធានាធិបតីបារាំង អេម៉ានួអែល ម៉ាក្រុង ដែលបានចូលរួមទស្សនាការប្រកួតនោះ។ លោក ពូទីន បានថ្លែងសាទរដល់លោកម៉ាក្រុង និងអ្នកគាំទ្រក្រុមជម្រើសជាតិបារាំងទាំងអស់ ចំពោះជ័យជំនះរបស់ពួកគេ និងការឈានដល់វគ្គផ្ដាច់ព្រ័ត្រWorldCup»។

ជាមួយគ្នានេះ លោក ម៉ាក្រុង បានសរសេរនៅក្នុងគណនី Twitter ផ្ទាល់ខ្លួនរបស់លោកថា បារាំងបានឈានដល់វគ្គផ្ដាច់ព្រ័ត្រ។ ជួបគ្នានៅយប់ថ្ងៃទី១៥ កក្កដាខាងមុខ ដើម្បីដណ្ដើមពានWorldCupឡើងវិញ។