ក្រុមហ៊ុនអាកាសចរណ៍ថ្មីមួយទៀតរបស់កម្ពុជា ចាប់ផ្ដើមហោះហើរលើកដំបូង

2018-07-11 07:45:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុនអាកាសចរណ៍ថ្មីមួយទៀតរបស់កម្ពុជា គឺ កម្ពុជាអ៊ែវ៉េ ឬ Cambodia Airways បានចាប់ផ្ដើមហោះហើរជាលើកដំបូង កាលពីថ្ងៃទី១០ ខែកក្កដា ឆ្នាំ២០១៨។ នេះបើយោងតាមការប្រកាសរបស់ក្រុមហ៊ុន។

ជើងហោះហើរដំបូងដំបូងរបស់ Cambodia Airways គឺ KR801 បានហោះចេញពីព្រលានយន្តហោះអន្តរជាតិភ្នំពេញ វេលាម៉ោង ៩:៥០នាទីព្រឹក ទៅកាន់ខេត្តសៀមរាប ដោយមានអ្នកដំណើរ ១៥០នាក់ នៅលើយន្តហោះ Airbus A319។

Cambodia Airways នឹងធ្វើការហោះហើរជារៀងរាល់ថ្ងៃ ពីភ្នំពេញ ទៅកាន់ខេត្តសៀមរាប និង៣ថ្ងៃក្នុងមួយសប្ដាហ៍ ពីភ្នំពេញ ទៅខេត្តព្រះសីហនុ ចាប់ពីថ្ងៃទី១០ ខែកក្កដា។ ក្រុមហ៊ុននេះ នឹងចាប់ផ្ដើមហោះហើរជាអន្តរជាតិលើកដំបូង ទៅកាន់ទីក្រុងម៉ាកាវ ប្រទេសចិន នៅថ្ងៃទី២១ ខែកក្កដា ឆ្នាំ២០១៨ ដែលរួមមាន ជើងហោះហើរ សៀមរាប - ម៉ាកាវ (៣ថ្ងៃ ក្នុង១សប្ដាហ៍) ភ្នំពេញ - ម៉ាកាវ (៤ថ្ងៃក្នុងមួយសប្ដាហ៍) និង ព្រះសីហនុ - ម៉ាកាវ (៣ថ្ងៃក្នុងមួយសប្ដាហ៍)។

នៅក្នុងសេចក្ដីប្រកាសដដែល ក្រុមហ៊ុនបញ្ជាក់ថា ទៅថ្ងៃអនាគត Cambodia Airways គ្រោងនឹងបង្កើនជើងហោះហើររបស់ខ្លួន ទៅកាន់ប្រទេសមួយចំនួនទៀត ដូចជា កូរ៉េខាងត្បូង ជប៉ុន ចិន ហុងកុង និងតៃវ៉ាន់ជាដើម។

សូមបញ្ជាក់ថា Cambodia Airways ជាក្រុមហ៊ុនអាកាសចរណ៍របស់កម្ពុជា ដែលជាក្រុមហ៊ុនបុត្រសម្ព័ន្ធមួយរបស់ Prince International Airlines Company Limited (PIA)៕

ចុចអានអត្ថបទទាក់ទង៖