សំរាមជាង ១៥០ឡានត្រូវកាយចេញពីប្រឡាយបឹងត្របែក

2018-07-12 01:53:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គិតត្រឹមថ្ងៃទី១១ ខែកក្កដា ឆ្នាំ២០១៨ សំរាមនៅក្នុងប្រឡាយបឹងត្របែក ទើបតែត្រូវកាយចេញបានជាង ៥០ភាគរយ ដោយមានសំរាមចំនួន ១៥៤ឡាន ត្រូវបានដឹកចេញ។ នេះបើតាមមន្ទីរសាធារណការ និងដឹកជញ្ជូន រាជធានីភ្នំពេញ។

មន្ទីរសាធារណការ ប្រកាសថា នៅប្រឡាយបឹងត្របែក ពិសេសនៅក្រោយស្ថានីយបូមទឹកបឹងត្របែក ត្រូវបានបងប្អូនប្រជាពលរដ្ឋយកសំរាមទៅបោះចោលរហូតមើលមិនឃើញទឹក ក្នុងប្រឡាយ។ ចាប់តាំងពីខែមិថុនា មន្ត្រីជំនាញ បានដាក់គ្រឿងចក្រកាយ និងប្រមូលសំរាម នៅប្រឡាយបឹងត្របែក ដើម្បីកុំឲ្យរាំងស្ទះដល់ការរំដោះទឹក ចេញពីទីក្រុង។ សំរាមក្នុងប្រឡាយទាំងនោះ មិនត្រឹមតែប៉ះពាល់ដល់ចរន្តប្រព័ន្ធបង្ហូរទឹកស្អុយនោះទេ តែក៏ប៉ះពាល់ធ្ងន់ធ្ងរដល់បរិស្ថាន អនាម័យ និងបង្កភាពគ្មានសោភ័ណភាព សម្រាប់រាជធានីភ្នំពេញទៀតផង៕

អត្ថបទ៖ លីហៀង