ទង្វើ ៨យ៉ាងរបស់បេក្ខជនបាក់ឌុប ដែលត្រូវកំណត់ថា ជាការលួចចម្លង

2018-07-13 04:45:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងអប់រំ យុវជន និងកីឡា បានបញ្ជាក់កាលពីថ្ងៃទី១២កក្កដាម្សិលមិញថា ទង្វើដែលត្រូវបានកំណត់ថាបេក្ខជនលួចចម្លងក្នុងការប្រឡងសញ្ញាបត្រមធ្យមសិក្សាទុតិយភូមិរួមមាន៖

មានសៀវភៅឯកសារ ឬសំណៅឯកសារសរសេររូបមន្តលើបន្ទាត់ ឬក្រដាសសដោយ ដែកចារ ការចម្លងរូបមន្ត ឬមេរៀននៅលើតុទុកជាមុន ការសរសេរលើបាតដៃ លើភ្លៅ លើទ្រនាប់ជើង លើកន្សែងជូតមុខ។ល។ ក្នុងបន្ទប់ប្រឡង ។
ចម្លងសំណៅកិច្ចការពីអ្នកដទៃ ឬយកកិច្ចការអ្នកដទៃមកដាក់នៅ កន្លែងដែលខ្លួនអង្គុយ
អើតមើលសន្លឹកកិច្ចការអ្នកដទៃ
ប្រើប្រាស់ទូរស័ព្ទដៃ និងឧបករណ៍អេឡិចត្រូនិកគ្រប់ប្រភេទនៅក្នុងបន្ទប់ប្រឡង
អង្គុយខុសពីលេខតុរបស់ខ្លួនដោយគ្មានការអនុញ្ញាតពីអនុរក្ស ឬរំកិលមកអង្គុយកៀកអ្នកដទៃ
រំកិលតុមកអង្គុយជាប់គ្នា ខុសពីប្លង់កំណត់ដោយគណៈមេប្រយោគ
បង្កឲ្យអ្នកដទៃចម្លង
ប្ដូរសន្លឹកកិច្ចការគ្នា ឬប្ដូរក្រដាសព្រាងគ្នា ឬផ្ទៀងផ្ទាត់ចម្លើយគ្នា ឬចម្លងគ្នាជាក់ស្ដែង។

សកម្មភាពឆែកឆេរបេក្ខជនប្រឡងបាក់ឌុបឆ្នាំ២០១៧ មុនពេលចូលប្រឡង

បេក្ខជនណា ដែលបានប្រព្រឹត្តសកម្មភាពដូចបានរៀបរាប់ខាងលើ បេក្ខជននោះ នឹងបានពិន្ទុសូន្យ ចំពោះវិញ្ញាសានោះ ហើយនឹងត្រូវបានបញ្ឈប់មិនឱ្យប្រឡងបន្តទៅទៀតក្នុងសម័យប្រឡងនេះ។ នេះបើតាមបទប្បញ្ញត្តិ និងកម្រិតវិន័យ ចំពោះបេក្ខជនដែលប្រព្រឹត្តខុសឆ្គង នៅពេលប្រឡងសញ្ញាបត្រមធ្យមសិក្សាទុតិយភូមិ របស់ក្រសួងអប់រំ៕

អត្ថបទ៖ សំភី