បឹងកេត ស្គាល់បរាជ័យជាលើកដំបូង ក្រោមថ្វីជើងក្រុមទ័ព

2018-07-27 14:07:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមកំពុងនាំមុខក្នុងតារាងលីគកំពូលកម្ពុជាឆ្នាំ២០១៨នេះ គឺបឹងកេត បានស្គាល់ការបរាជ័យជាលើកដំបូងហើយ ក្នុងចំណោម ១៦ប្រកួតមកនេះ ពោលគឺបានប្រកួតចាញ់ក្រុមម្ចាស់ផ្ទះក្រសួងការពារជាតិ (ទ័ព) នាល្ងាចថ្ងៃទី២៧កក្កដានេះ។

ក្នុងជំនួបគ្នានៅស្តាតចាស់ក្នុងសប្តាហ៍ទី១៦ ក្រុមទ័ព បានយកឈ្នះ បឹងកេត ដោយលទ្ធផល ២-០។ ២គ្រាប់នេះ ធ្វើបាននៅតង់ទី១ទាំងអស់ ដោយខ្សែបម្រើ ឈិន ឈឿន និងខ្សែការពារសញ្ជាតិកូរ៉េខាងត្បូង Yoo Jae-ho។

ក្រុមម្ចាស់ផ្ទះក្រសួងការពារជាតិ ប្រកួតជាមួយក្រុមបឹងកេត នាល្ងាចថ្ងៃទី២៧កក្កដា ២០១៨ នៅស្តាតចាស់។ រូបថត៖ CNCC

គួរកត់សម្គាល់ដែរថា ការបរាជ័យរបស់បឹងកេតនេះ កើតឡើងស្របពេលដែលគ្រូបង្វឹករបស់ក្រុមនេះ គឺលោក ហៅ សុជាតិ អវត្តមានមិនអាចបញ្ជាកូនក្រុមផ្ទាល់នៅលើទីលានបាននោះទេ ដោយសារជាប់ពិន័យរបស់សហព័ន្ធកីឡាបាល់ទាត់កម្ពុជា។ ---> [ចុចអានលម្អិត](http://kleykley.sabay.com.kh/article/1072054#utm_campaign=onpage)

ទោះជាយ៉ាងណា ក្រុមបឹងកេត នៅតែបន្តឈរលើកំពូលតារាងដដែលគិតត្រឹមសប្តាហ៍ទី១៦ ដោយមាន ៣៩ពិន្ទុ៕

អត្ថបទ៖ សំភី