ប្រជាព​លរដ្ឋ​ដែល​បាន​ចេញ​ទៅ​បោះ​ឆ្នោតនៅថ្ងៃនេះ មាន​​ប្រមាណជាង ជាង៨០ភាគរយ លើចំនួនអ្នកមានឈ្មោះបោះឆ្នោតសរុបជាង៨លាននាក់។ នេះបើតាមការបញ្ជាក់របស់គណៈកម្មាធិការជាតិរៀបចំការបោះឆ្នោត ក្នុងកិច្ចប្រជុំប្រជុំមួយ ជាមួយភាគីពាក់ព័ន្ធស្តីពី ការសរុបព្រឹត្តិការទូទៅនៃការបោះឆ្នោតជ្រើសតាំងតំណាងរាស្ត្រនីតិកាលទី៦ ក្រោមអធិបតីភាពលោក ស៊ិក ប៊ុនហុក ប្រធាន គ.ជ.ប នៅល្ងាចថ្ងៃទី២៩ ខែកក្កដា ឆ្នាំ២០១៨ នេះ។

របាយការណ៍របស់គណៈកម្មាធិការជាតិរៀបចំការបោះឆ្នោត បានបង្ហាញថា អ្នកទៅបោះឆ្នោតទូទាំងប្រទេសមានចំនួន ៦ ៧៤៤ ៨៩៣ នាក់ ស្មើ៨០.៤៩ភាគរយ។

លោកស៊ិក ប៊ុនហុក បានបញ្ជាក់ថា ការបោះឆ្នោតនៅថ្ងៃនេះ បានប្រព្រឹត្តទៅដោយរលូន មិនមានការរំខានទាំងសន្តិសុខ សុវត្ថិភាព ហើយ​ទ្ធផលបឋមនៃការបោះឆ្នោតនេះ នឹងផ្សាយតាមទូរទស្សន៍ជាតិកម្ពុជា នៅថ្ងៃទី១៥ ខែសីហា ខាងមុខនេះ។

សូមរំលឹកថា កាលពីការបោះឆ្នោតជ្រើសតាំងតំណាងរាស្ត្រអាណត្តិទី៥ ឆ្នាំ ២០១៣ តួលេខនៃអ្នកទៅបោះឆ្នោតមានជាង ៦៩% ក្នុងចំណោម​អ្នក​មាន​ឈ្មោះ​បោះឆ្នោតជាង ៩,៦លាន​នាក់។៕

សូមមើលតារាងចំនួនអ្នកទៅបោះឆ្នោតជ្រើសតាំងតំណាងរាស្ត្រនីតិកាលទី៦នេះ៖