Pogba ទម្លាយមូលហេតុដែលមិនលេងម៉ូតសក់ កាល World Cup

2018-07-31 04:48:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើជម្រើសជាតិបារាំង Paul Pogba បានបង្ហើបពីមូលហេតុដែលខ្លួនមិនបានលាបពណ៌សក់ ឬលេងម៉ូតសក់ នៅក្នុងព្រឹត្តិការណ៍ FIFA World Cup 2018 កន្លងទៅ គឺព្រោះតែ គេមិនចង់ឲ្យ អ្នកគាំទ្របាល់ទាត់នានាធ្វើការរិះគន់ទង្វើរបស់គេ។

Pogba បង្ហាញមេដាយមាសដែលខ្លួនឈ្នះពី FIFA World Cup 2018 (រូបថត៖ Reuters)

កីឡាកររបស់ក្លឹបបិសាចក្រហម Manchester United បានឲ្យដឹងតាមរយៈគណនី Instagram ផ្លូវការរបស់ខ្លួនកាលពីថ្ងៃទី៣០កក្កដាថា នៅពេលដែលគេមិនលេងម៉ូតសក់ អ្នកដែលស្អប់គេ បានត្រឹមតែរិះគន់លើទម្រង់លេងប៉ុណ្ណោះ។

សូមជម្រាបថា លោក Jose Mourinho អ្នកចាត់ការទូទៅ Man United កាលពីសប្ដាហ៍មុនបានប្រាប់ឲ្យ Pogba ផ្ដោតលើអ្វីដែលខ្លួនអាចធ្វើបានសម្រាប់ក្រុម មិនមែនរឿងអ្វីផ្សេងនោះទេ។ លោកបន្ថែមថា ក្រោយ World Cup កីឡាករវ័យ២៥ឆ្នាំដដែល នឹងអាចទទួលជោគជ័យប្រសិនបើគេផ្ដោតលើបាល់ទាត់តែមួយមុខ។

គួររំឭកថា កាលពីរដូវកាលមុន នៅជាមួយក្លឹប Man Utd គេសង្កេតថា Pogba តែងតែផ្លាស់ប្ដូរម៉ូតសក់របស់ខ្លួនជាញឹកញាប់ ដែលទង្វើនេះធ្វើឲ្យអ្នកគាំទ្រមួយចំនួនរិះគន់ថា Pogba មិនព្យាយាមលេងបាល់ទាត់ទេ គិតតែខ្វល់ខ្វាយពីសក់របស់ខ្លួន៕

ប្រភព៖ Dailymail ប្រែសម្រួល៖ លាភ.