ធនាគារធំៗរបស់ថៃចំនួន២ ត្រូវគេលួច Hack

2018-08-01 06:31:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ធនាគារជាតិថៃបានឲ្យដឹងថា ធនាគារផ្ដល់កម្ចីធំលំដាប់ទី២ក្នុងប្រទេសថៃ Krungthai Bank និងធនាគារធំលំដាប់ទី៤ Kasikornbank ត្រូវបានពួក Hacker លួចចូលប្រមូលយកទិន្នន័យទូទៅរបស់អតិថិជនមួយចំនួន កាលពីសប្ដាហ៍មុន។ នេះបើតាមការបញ្ជាក់របស់លោក Ronadol Numnonda អគ្គនាយករងនៃធនាការជាតិថៃ។

អតិថិជនកំពុងដកប្រាក់នៅធនាគារ Krungthai Bank

លោកអគ្គនាយករងធនាគារជាតិថៃបានបញ្ជាក់ទៀតថា ធនាគារទាំងពីរបានពិនិត្យពីផលប៉ះពាល់រួចរាល់ហើយ។ ធនាគារទាំងពីរមិនបានរកឃើញផលប៉ះពាល់ដោយការបែកធ្លាយទិន្នន័យទូទៅរបស់អតិថិជននោះទេ ដោយសារវាមិនមែនជាទិន្នន័យសម្រាប់ផ្ទេរហិរញ្ញវត្ថុនោះទេ។

លោកបន្ថែមថា ធនាគារទាំងពីរបានជួសជុល និងត្រួតពិនិត្យដំណើរការការងាររួចរាល់ហើយ។ អ្នកជំនាញក៏ត្រូវបានបញ្ជូនទៅកាន់ធនាគារទាំងពីរផងដែរ ដើម្បីធ្វើការវាយតម្លៃពីប្រព័ន្ធសន្ដិសុខទាំងអស់របស់ធនាគារ៕

ប្រភព៖ Bangkokpost ប្រែសម្រួល៖ វាសនា