FFC សម្រាលការពិន័យលោក ហៅ សុជាតិ

2018-08-01 08:02:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី១ ខែសីហា ឆ្នាំ២០១៨នេះ គណៈកម្មការវិន័យ នៃសហព័ន្ធកីឡាបាល់ទាត់កម្ពុជា (FFC) បានចេញសេចក្ដីសម្រេច ស្ដីពីការប្រព្រឹត្តរបស់លោក ហៅ សុជាតិ គ្រូបង្គោលក្លឹបបឹងកេត ដោយដោយសម្រាលការពិន័យ គឺមិនឲ្យចូលរួមការប្រកួតក្នុងពានរង្វាន់លីគកំពូលកម្ពុជា រយៈពេល ១ខែ និងពិន័យជាប្រាក់ចំនួន ៥០ម៉ឺនរៀល។

លោក ហៅ សុជាតិ ថ្លែងក្នុងសន្និសីទសារព័ត៌មានមួយ នាពេលកន្លងទៅ

ការចេញសេចក្ដីសម្រេចថ្មីនៅថ្ងៃនេះ គឺបន្ទាប់ពីគណៈកម្មការវិន័យ កាលពីថ្ងៃទី២៦កក្កដា បានសម្រេចពិន័យលោក ហៅ សុជាតិ មិនឲ្យចូលរួមប្រកួតក្នុងព្រឹត្តិការណ៍កីឡាបាល់ទាត់នានាដែលរៀបចំដោយ FFC រយៈពេល១ខែ និងពិន័យជាប្រាក់ ៥០ម៉ឺនរៀល។

ការពិន័យលោក ហៅ សុជាតិ គឺយោងមាត្រា ៤៧ ចំណុច "ក" និងមាត្រា ៤៩ "ក/ខ" នៃក្រមវិន័យរបស់ FFC ពីបទប្រើប្រាស់ឥរិយាបថមិនសមរម្យដាក់មន្ត្រីការប្រកួត គឺរុញ ព្រមទាំងប្រើសម្ដីមិនសមរម្យ ដាក់មន្ត្រីការប្រកួត។

សូមរំលឹកថា ឥរិយាបថរបស់លោក ហៅ សុជាតិ ដែលត្រូវបាន FFC ចោទប្រកាន់ខាងលើនេះ គឺកើតឡើងនៅក្នុងជំនួបរវាង បឹងកេត និងសូលទីឡូអង្គរ ក្នុងលីគកំពូលកម្ពុជាសប្តាហ៍ទី១៥ កាលពីថ្ងៃទី២១ ខែកក្កដា ឆ្នាំ២០១៧ នៅពហុកីឡដ្ឋានជាតិ។ ពេលនោះ បឹងកេត យកឈ្នះ សូលទីឡូអង្គរ ដោយលទ្ធផល ២-១៕