ហ្វីលីពីន អបអរកម្ពុជា ចំពោះភាពជោគជ័យនៃការបោះឆ្នោត

2018-08-06 01:49:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ហ្វីលីពីន បានអបអរសាទរកម្ពុជា ចំពោះភាពជោគជ័យនៃការបោះឆ្នោតកាលពីថ្មីៗនេះ និងបង្ហាញបំណងក្នុងការធ្វើការជាមួយនឹងរដ្ឋាភិបាលឈ្នះឆ្នោតថ្មី។

យោងតាមការចុះផ្សាយរបស់ភ្នាក់ងារសារព័ត៌មានចិន Xinhua កាលពីថ្ងៃទី ០៥ សីហាម្សិលមិញ រដ្ឋមន្ត្រីការបរទេសហ្វីលីពីន លោក Alan Peter Cayetano បាននិយាយថា «ជំនួសមុខឲ្យលោកប្រធានាធិបតីហ្វីលីពីន Rodrigo Duterte និងប្រជាជនហ្វីលីពីន ខ្ញុំសូមអបអរសាទររាជរដ្ឋាភិបាលកម្ពុជា និងប្រជាជនកម្ពុជា ចំពោះការបោះឆ្នោតជាតិរបស់ខ្លួន ដែលប្រព្រឹត្តិទៅដោយសន្តិភាព និងរៀបរយ កាលពីថ្មីៗកន្លងទៅនេះ។

លោក Alan Peter Cayetano ថ្លែងនាពេលកន្លងមក។ រូបថត៖ Reuters

លោកប្រមុខការទូតហ្វីលីពីនរូបនេះ បានបន្តទៀតថា ហ្វីលីពីន នៅតែរក្សាជំហរដដែល ក្នុងការធ្វើការជាមួយរាជរដ្ឋាភិបាលជាប់ឆ្នោតថ្មី ដើម្បីបង្កើនចំណងទំនាក់ទំនងឲ្យកាន់តែជិតស្និទ្ធ និងកិច្ចសហប្រតិបត្តិការឲ្យកាន់តែស៊ីជម្រៅ ទាំងទ្វេភាគី ថ្នាក់តំបន់ និងអន្តរជាតិ។

យោងតាមលទ្ធផលបឋមរបស់គជបកម្ពុជា បក្សកាន់អំណាច CPP របស់លោកនាយករដ្ឋមន្ត្រីហ៊ុន សែន បានឈ្នះការបោះឆ្នោតដោយមតិភាគច្រើន នៅក្នុងការបោះឆ្នោតជ្រើសរើសតំណាងរាស្ត្រនីតិការទី៦នេះ។

គួរបញ្ជាក់ថា គជប បានប្រកាសថា លទ្ធផលព្យាករណ៍នៃការបោះឆ្នោតនេះ នឹងត្រូវប្រកាសនៅថ្ងៃទី ១១ សីហាខាងមុន ចំណែកឯលទ្ធផលផ្លូវការ នឹងត្រូវប្រកាសនៅថ្ងៃទី ១៥ សីហា ឆ្នាំ២០១៨៕

ប្រភព៖ Xinhua ប្រែសម្រួល៖ អឹុម ម៉េងស៊ាង