រដ្ឋបាលរាជធានី នឹងបន្ថែមរថយន្តក្រុងដល់ជាង២០០គ្រឿង ដោយសារអ្វី?

2018-08-09 03:30:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ម៉េត មាសភក្តី អ្នកនាំពាក្យសាលារាជធានីភ្នំពេញបានឲ្យដឹងថា ការបង្កើនចំនួនរថយន្ត ចំនួនខ្សែរត់ និងចំនួនចំណតរថយន្តក្រុងសាធារណៈ គឺដោយសារប្រជាពលរដ្ឋបានយល់ដឹងពីអត្ថប្រយោជន៍នៃការប្រើប្រាស់សេវារថយន្តក្រុងកាន់តែច្រើនឡើងៗ។

សិស្សានុសិស្ស ឡើងជិះរថយន្តក្រុង នៅចំណតមួយ ក្នុងរាជធានីភ្នំពេញ

អ្នកនាំពាក្សសាលារាជធានីភ្នំពេញ បានឲ្យដឹងនៅថ្ងៃទី៩សីហានេះថា មកដល់ពេលនេះ រដ្ឋបាលរាជធានីភ្នំពេញ បានដាក់ឲ្យដំណើរការ សេវាដឹកជញ្ជូនតាមរថយន្តក្រុងសាធារណៈ ចំនួន ១៧៧គ្រឿង ហើយបើគ្មានការប្រែប្រួលទេ តាមផែនការដែលបានគ្រោងទុក នៅដំណាច់ឆ្នាំ២០១៨ ខាងមុខនេះ រដ្ឋបាលរាជធានីភ្នំពេញនឹងដាក់ឲ្យដំណើរការរថយន្តក្រុង រហូតដល់ទៅ ២៣៧គ្រឿង សម្រាប់ប្រជាពលរដ្ឋធ្វើដំណើរ។

លោកបន្តថា រដ្ឋបាលរាជធានីភ្នំពេញ បានបង្កើតចំណតរថយន្តក្រុង ឬ ទីកន្លែងរង់ចាំឡើងហើយនិងចុះ ពីរថយន្តក្រុងនេះ ជា ២ប្រភេទ៖ ទី១. ចំណតដែលមានដំបូល និងកៅអីសម្រាប់អង្គុយ រង់ចាំនៅទីតាំងដែលមានស្ថានភាពធំទូលាយ និងទី២ ចំណតដែលតម្រូវឲ្យអ្នកជិះត្រូវឈររង់ចាំ៕

ប្រភព៖ ដើមអម្ពិល ប្រែសម្រួល៖ លាភ.