តើ ច្រឹង ពលរដ្ឋ ទទួលបានប្រាក់ខែប៉ុន្មាននៅ Buriram?

2018-08-09 08:21:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ខូវ ឆាយ អគ្គលេខាធិការក្លឹបក្រសួងការពារជាតិ បានឲ្យដឹងថា ច្រឹង ពលរដ្ឋ នឹងទទួលបានប្រាក់ពលកម្មជាង ៥ពាន់ដុល្លារ ក្នុងមួយខែពីក្លឹប Buriram United ។ លើសពីនេះ ក្លឹបបានផ្ដល់រថយន្ដ ១គ្រឿង និងបន្ទប់ខុនដូ១ ផងដែរ។

ច្រឹង ពលរដ្ឋ បានផ្លាស់ទៅលេងនៅក្លឹប Buriram United ជាផ្លូវការហើយ ក្រោមលក្ខខណ្ឌខ្ចីជើង២រដូវកាលពីក្លឹបក្រសួងការពារជាតិ។

លោក ខូវ ឆាយ បន្តថា ក្រោមលក្ខខណ្ឌខ្ចីជើងនេះដែរ ក្លឹប Buriram United បានមកចរចាជាមួយក្រសួងការពារជាតិ ៣ខែមកហើយ មុនពេលសម្រេចជាផ្លូវការនេះ។ ប្រសិនបើ ពលរដ្ឋ លេងល្អអំឡុងពេលខ្ចីជើងនេះ Buriram United មានសិទ្ធិទិញផ្ដាច់យកតែម្ដង។

លោក ខូវ ឆាយ ថ្លែងប្រាប់អ្នកសារព័ត៌មាន នាពេលកន្លងទៅ

អគ្គលេខាធិការក្លឹបក្រសួងការពារជាតិ បានបញ្ជាក់បន្ថែមពីលើទៀតថា ក្លឹបក្រសួងការពារជាតិចង់ឱ្យ ពលរដ្ឋ ទៅលេងនៅក្រៅប្រទេសនេះ ដើម្បីឲ្យគេអភិវឌ្ឍខ្លួនបន្ថែមទៀត។ អ្វីដែលកាន់តែល្អសម្រាប់គេនោះ គឺនឹងទទួលបានបទពិសោធថ្មីនៅលីគកំពូលថៃ ដើម្បីមកជួយកម្ពុជាវិញ។

យ៉ាងណាមិញ Buriram United ត្រូវចំណាយពេលច្រើនខែទៀត ដើម្បីព្យាបាលរបួសរបស់ ពលរដ្ឋ សិន ទើបអាចដាក់ឲ្យរូបគេចូលលេងបាន៕