អាកាសយានដ្ឋានអន្តរជាតិភ្នំពេញ នឹងដាក់ដំណើរការនូវប្រព័ន្ធថ្មី នៅថ្ងៃស្អែក

2018-08-14 23:49:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកស្រី CHLOE LAPEYRE អគ្គនាយកក្រុមហ៊ុន CAMBODIA Airports មានប្រសាសន៍ថា នៅថ្ងៃទី១៦ ខែសីហា ឆ្នាំ២០១៨នេះ អាកាសយានដ្ឋានអន្តរជាតិភ្នំពេញនឹងដាក់ឱ្យដំណើរការនូវប្រព័ន្ធប្រភេទថ្មី ដើម្បីសម្រួលដល់ការធ្វើចរាចរណ៍ចេញ-ចូល នៅក្នុងព្រលានយន្តហោះ ជាពិសេសដើម្បីកាត់បន្ថយការកកស្ទះចរាចរណ៍នៅមុខព្រលានយន្តហោះតែម្តង។

អាកាសយានដ្ឋានអន្តរជាតិភ្នំពេញ

លោកស្រីមានប្រសាសន៍ក្នុងសន្និសីទសារព័ត៌មាននាព្រឹកថ្ងៃទី១៤ ខែសីហា ឆ្នាំ២០១៨ នៅអាកាសយានដ្ឋានអន្តរជាតិភ្នំពេញថា ការដាក់ឱ្យដំណើរការនូវប្រព័ន្ធប្រភេទថ្មីនេះ នឹងផ្តល់ភាពងាយស្រួលក្នុងការធ្វើចរាចរណ៍ ចេញ និងចូល នៅក្នុងព្រលានយន្តហោះរហូតដល់ទៅ ៣ដង។ នេះគឺចង់សំដៅទៅដល់រថយន្តដែលបានចរាចរនៅក្នុងព្រលានយន្តហោះ អាចចេញ-ចូល បានឆាប់រហ័សជាងមុន និងដើម្បីកាត់បន្ថយការកកស្ទះចរាចរណ៍ ជាពិសេសប្រព័ន្ធថ្មីនេះ មានប្រព័ន្ធសុវត្ថិភាពខ្ពស់លើការគ្រប់គ្រងថវិកា ដោយតម្រូវឱ្យអ្នកចេញ-ចូល ត្រូវបង់ថវិកាតាមរយៈម៉ាស៊ីនប្រភេទថ្មីនេះ មានភាពងាយស្រួលជាងមុន។

លោកស្រីបន្តថា នៅថ្ងៃទី១៦ ខែសីហា ឆ្នាំ២០១៨នេះ អាកាសយានដ្ឋានអន្តរជាតិភ្នំពេញ នឹងបើកឱ្យដំណើរកាចំណតម៉ូតូសាធារណៈ និងចំណតតាក់ស៊ី។ ក្រុមហ៊ុននឹងចាប់ផ្តើមដាក់ឱ្យដំណើរការកាតពណ៌ស្វាយ ដែលមានសារៈសំខាន់ចំនួន០៣ សំខាន់ៗ ដែលធ្វើឱ្យរថយន្តអាចចេញចូលបានលឿនដើម្បីដាក់ភ្ញៀវចុះ និងអត្ថប្រយោជន៍ច្រើនទៀត ដោយមិនតម្រូវឱ្យអ្នកដែលមានកាតប្រភេទនេះ ចុះទៅបង់ប្រាក់ ប៉ុន្តែត្រូវបានអនុញ្ញាតឱ្យប្រព័ន្ធប្រភេទថ្មីនេះ បើកច្រកទាំងចេញ-ទាំងចូល ដោយស្វ័យប្រវត្តិតែម្តង។

លោកស្រីអគ្គនាយកក្រុមហ៊ុន បានបញ្ជាក់ថា តម្លៃចូលចតនៅអាកាសយានដ្ឋានអន្តរជាតិភ្នំពេញ ម៉ូតូកង់បី និងម៉ូតូតម្លៃ ២០០០រៀល គឺបង់នៅបញ្ជរបង់ប្រាក់ របៀបទំនើបគ្មានបុគ្គលិករង់ចាំទទួល គឺបង់លុយក្នុងម៉ាស៊ីនស្វ័យប្រវត្តិ។ ចំណែករថយន្តធុនតូចចតនៅព្រលានយន្តហោះ តម្លៃក្នុង ១៥នាទី តម្លៃ ៤០០០រៀល ចូលចតលើសពី ១៥នាទីឡើងទៅ ត្រូវគិតបន្ថែមទៀត៕

ប្រភព៖ AKP ប្រែសម្រួល៖ វាសនា