ចិន ឈរនៅលេខ១ ក្នុងចំណោមជនបរទេស ដែលប្រព្រឹត្តបទល្មើសច្រើនជាងគេនៅកម្ពុជា

2018-08-15 08:43:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមលទ្ធផលបង្ក្រាបបទល្មើសរបស់អគ្គស្នងការនគរបាលជាតិ បានឲ្យដឹងថា ជនជាតិចិនឈរនៅលំដាប់ទី១ ក្នុងករណីប្រព្រឹត្តបទល្មើសផ្សេងៗ ជាពិសេសគ្រឿងញៀន ក្នុងចំណោមជនបរទេសដទៃទៀតដែលរស់នៅកម្ពុជា។

សមត្ថកិច្ចកម្ពុជា ចាប់បញ្ជូនជនជាតិចិន ត្រឡប់ទៅកាន់ប្រទេសរបស់ពួកគេវិញ កាលពីខែកក្កដា ឆ្នាំ២០១៨

ក្នុងកិច្ចប្រជុំត្រួតពិនិត្យបូកសរុបលទ្ធផលការងារប្រចាំត្រីមាសទី២ ឆ្នាំ២០១៨ លោក ថោង លីម អគ្គស្នងការរងនគរបាលជាតិ និងជាប្រធានក្រុមព័ត៌មានទាន់ហេតុការណ៍ នៃស្នងការដ្ឋាននគរបាលជាតិ បានបញ្ជាក់ថា ជនបរទេសបានប្រព្រឹត្តបទល្មើសលើទឹកដីកម្ពុជា រយៈពេល៦ខែដើមឆ្នាំ២០១៨នេះ មានចំនួន ៨៨ករណី។

លោកបន្តថា សមត្ថកិច្ចឃាត់ខ្លួន ៣៧៨នាក់ ស្មើនឹង ២៥សញ្ជាតិ ក្នុងរយៈពេល ៦ខែដើមឆ្នាំ២០១៨។ ក្នុងនោះ ១៧ករណី ជាបទល្មើសគ្រឿងញៀន ស្មើនឹងជាង ១៩%។ ចំណែកជនជាតិដែលបទល្មើសច្រើនជាងគេ គឺជនជាតិចិន ដែលមាន ២៥៧នាក់ នីហ្សេរីយ៉ា ៣៧នាក់ វៀតណាម ១៤នាក់ ថៃ ១២នាក់ និងកូរ៉េខាងត្បូង ៨នាក់។ ភូមិសាស្ត្រដែលកើតមានច្រើនជាងគេគឺ នៅរាជធានីភ្នំពេញ៕

ប្រភព៖ Vayo Fm ប្រែសម្រួល៖ លាភ.