ព្រះមហេសីរបស់អតីតស្តេចថៃ ភូមិវិបុល យាងចូលមន្ទីរពេទ្យ កាលពីព្រឹកមិញ

2018-08-20 08:10:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រះអគ្គមហេសីថៃ ព្រះនាម Sirikit បានយាងចូលសម្រាកនៅមន្ទីរពេទ្យ Chulalongkorn ក្នុងទីក្រុង បាងកក ដើម្បីព្យាបាល ជំងឺផ្ដាសាយធំ។ នេះបើតាមសេចក្ដីប្រកាសរបស់ខុទ្ទកាល័យព្រះរាជវាំងថៃ នៅថ្ងៃទី ២០ សីហានេះ។

ព្រះអគ្គមហេសី Sirikit អមដោយព្រះមហាក្សត្រថៃ Maha Vajiralongkorn និងព្រះនាងម្ចាស់ Maha Chakri Sirindhorn កាលពីពេលថ្មីៗកន្លងទៅនេះ (រូបថត៖ Thai Royal)

សេចក្តីប្រកាសដដែល បានឲ្យដឹងទៀតថា ស្ថានភាពរបស់ព្រះអគ្គមហេសី Sirikit បានធូរស្រាលច្រើន ប៉ុន្តែទ្រង់ នឹងត្រូវយាងគង់ នៅមន្ទីរពេទ្យ ដើម្បីទទួលការឃ្លាំមើលពីក្រុមគ្រូពេទ្យបន្ថែមទៀត។

គួរបញ្ជាក់ថា ព្រះអគ្គមហេសីថៃព្រះជន្ម ៨៦ព្រះវង្សាអង្គនេះ គឺជាព្រះមហេសីរបស់អតីតព្រះមហាក្សត្រថៃ ភូមិវិបុល អាឌុលយ៉ាដេត ដែលបានយាងចូលទិវង្គត កាលពីឆ្នាំ២០១៦ កន្លងទៅ។ ហើយទ្រង់ ក៏ជាព្រះមាតារបស់ព្រះមហាក្សត្រថៃបច្ចុប្បន្ន Maha Vajiralongkorn ផងដែរ៕

ប្រភព៖ South China Morning Post ប្រែសម្រួល៖ អឹុម ម៉េងស៊ាង