យុវជនបាទី ៩នាក់ ប្រឡងបាក់ឌុប នៅថ្ងៃនេះ

2018-08-20 07:50:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យុវជនសាលាបាល់ទាត់បាទីអាយុក្រោម១៨ឆ្នាំ (U18) ចំនួន៨រូប និង ពីក្រុមអាយុក្រោម១៦ឆ្នាំ (U16) ចំនួនមួយរូប បានចូលរួមការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម្រាប់ឆ្នាំសិក្សា ២០១៧-២០១៨ នៅថ្ងៃទី២០ និង ២១ ខែសីហានេះ។ នេះបើតាមការចុះផ្សាយរបស់វេបសាយគណៈកម្មការប្រកួតបាល់ទាត់កម្ពុជា។

យុវជនបាទី ដែលត្រូវប្រឡងបាក់ឌុប (រូបថត៖ គណៈកម្មការប្រកួតបាល់ទាត់កម្ពុជា)

សម្រាប់យុវជនពីក្រុម U18 បាទី មានអ្នកចាំទី ហ៊ុល គឹមហ៊ុយ, ផាច សុជាវីឡា, ទៀត គឹមហេង, សឿត ណាវ៉ា, រ័ត្ន ប៊ុននូ, លន ថេន, ទេស សម្បត្តិ និង ស៊ាន សុភក្ត្រា។ ចំណែក យុវជនបាទី U16 គឺ អាត អូនតូច។

អ្នកចាំទី ហ៊ុល គឹមហ៊ុយ ឲ្យដឹងថា ខ្លួនមានការព្រួយបារម្ភខ្លះដែរចំពោះការប្រឡងបញ្ចប់ថ្នាក់វិទ្យាល័យនេះ ព្រោះត្រូវហាត់ផង និង ប្រកួតថែមទៀត ប៉ុន្តែពួកគេនឹងប្រឹងប្រែងបំពេញគ្រប់វិញ្ញាសា ឲ្យបានល្អ។

សមាជិកក្រុមបាល់ទាត់ជម្រើសជាតិកម្ពុជាអាយុក្រោម១៨ឆ្នាំ ដដែលបន្តថា ពួកគេត្រូវប្រឡងនៅមណ្ឌលខេត្តតាកែវទាំងអស់គ្នា។

ហ៊ុល គឹមហ៊ុយ បន្ថែមថា ក្រោយបញ្ចប់ការសិក្សាថ្នាក់ទី១២ កីឡាករមួយចំនួននឹងចាកចេញពីសាលាបាល់ទាត់ជាតិបាទី ប៉ុន្តែរូបគេមិនទាន់ផុតបេសកកម្មនៅឡើយទេ៕

អត្ថបទ៖ លាភ.