ក្រសួងអប់រំ បង្ហាញថ្ងៃ​ប្រកាស​លទ្ធផលប្រឡង​បាក់ឌុបហើយ​

  • 2018-08-22 03:11:29
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ក្រសួង​អប់​រំ យុវជន និង​កីឡា បាន​បញ្ជាក់​នៅ​ថ្ងៃ​ទី ២២ សីហា ឆ្នាំ២០១៨​នេះថា លទ្ធផល​ប្រឡង​សញ្ញាបត្រ​មធ្យម​សិក្សា​ទុតិយភូមិ សម័យ​ប្រឡង៖ ២០ សីហា ២០១៨ នឹង​ត្រូវ​ប្រកាស​នៅ​រសៀល​ថ្ងៃ​ទី១១ ​កញ្ញា ឆ្នាំ​២០១៨ ចំពោះ​មណ្ឌល​ប្រឡង​នៅ​ រាជធានី​ភ្នំពេញ និង​ខេត្ត​កណ្ដាល។ ចំណែក​ឯ​បណ្ដា​ខេត្ត​ផ្សេងៗ​ទៀត នឹង​ត្រូវ​ប្រកាស​នៅ​ព្រឹក​ថ្ងៃទី១២ ​កញ្ញា ឆ្នាំ​២០១៨។

បេក្ខជនបាក់ឌុប ក្នុងពេលទៅមើលឈ្មោះប្រឡងនៅវិទ្យាល័យបាក់ទូក កាលពីថ្ងៃទី១៩សីហា ២០១៨
ក្រសួង ក៏​បាន​ឲ្យ​ដឹង​ដែរ​ថា ការ​ប្រកាស​លទ្ធផល​នេះ នឹង​ត្រូវ​ផ្សព្វផ្សាយ​តាម​បណ្ដាញ​ទំនាក់ទំនង​សង្គម​​ហ្វេសប៊ុក​ផ្លូវការ​របស់​ក្រសួង​អប់រំ​ផង​ដែរ​។

គូរ​រម្លឹក​ថា ការ​ប្រឡង​សញ្ញាបត្រ​មធ្យម​សិក្សា​ទុតិយភូមិ ​ត្រូវ​បាន​បញ្ចប់​ហើយ កាល​ពី​ថ្ងៃ​ទី២១ ​សីហា​ឆ្នាំ​២០១៨​ម្សិលមិញ​នេះ។ បើ​តាម​ទិន្នន័យ​របស់​ក្រសួង​ បាន​បង្ហាញ​ថា ​ការ​ប្រឡង​នេះ មាន​បេក្ខជន​ បាន​ចុះ​ឈ្មោះ​ប្រឡង​សរុប​ចំនួន ១១៥ ២៦៨ នាក់ (ស្រី​ ៥៨ ១៥៨​នាក់) និង​មាន​មណ្ឌល​ប្រឡង​ចំនួន ១៨៦​ មណ្ឌល។ ក្នុងនោះ​បេក្ខភាព​អវត្តមាន មាន​ចំនួន ១៨៩៩នាក់ (ស្រី ៧៤៤​នាក់) ស្មើនឹង​ ១,៦៥%៕

អត្ថបទ៖ អឹុម ម៉េងស៊ាង

;