ចិន ចង់ធ្វើសមយុទ្ធយោធាទៀងទាត់ជាមួយអាស៊ាន នៅក្នុងសមុទ្រចិនខាងត្បូង

2018-08-22 04:34:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសចិន បានស្នើឱ្យអាស៊ាន ធ្វើសមយុទ្ធយោធារួមគ្នាជាមួយខ្លួន ជាទៀតទាត់នៅក្នុងសមុទ្រចិនខាងត្បូង។ នេះបើតាមចុះផ្សាយរបស់ Bangkok Post កាលពីថ្ងៃទី២១ សីហាម្សិលមិញ ដែលបានដកស្រង់សម្តីពីប្រភពមន្រ្តីការទូតអាស៊ាន១រូប។

បើតាមប្រភពដដែល ចិនក៏បានប្រាប់អាស៊ានដែរថា មិនត្រូវឱ្យប្រទេសណាមួយដែលស្ថិតនៅក្រៅតំបន់នេះ (ទំនងសំដៅទៅលើអាមេរិក) ចូលរួមក្នុងសមយុទ្ធ ដោយគ្មានការឱ្យដំណឹងជាមុន ឬការព្រមព្រៀងនោះឡើយ។

នាវាចិន ធ្វើសមយុទ្ធក្នុងសមយុទ្ធចិនខាងត្បូងត្បូង នាពេលកន្លងមក។ រូបថត៖ Reuters

សំណើនេះ ត្រូវបានធ្វើឡើងក្រោយពេលដែលចិន និងប្រទេសអាស៊ាន បានធ្វើសមយុទ្ធរួមគ្នា កាលពីដើមខែសីហានេះ នៅមូលដ្ឋានទ័ពជើងទឹក Changi ប្រទេសសិង្ហបុរី។ សមយុទ្ធនេះ គឺផ្តោតទៅលើកិច្ចសហប្រតិបត្តិការរក្សាសុវត្ថិភាពតាមផ្លូវសមុទ្រ ប៉ុន្តែធ្វើឡើងតាមប្រព័ន្ធកុំព្យូទ័រនៅលើតុតែប៉ុណ្ណោះ។ ចំណែកសមយុទ្ធពិតជាក់ស្តែង នឹងធ្វើឡើងនៅដែនទឹកជិតប្រទេសចិន នាខែតុលាខាងមុខនេះ។

គួរកត់សម្គាល់ថា សំណើសុំធ្វើសមយុទ្ធរបស់ចិន ជាមួយអាស៊ាន គឺធ្វើឡើងក្នុងពេលដែលចិន កំពុងមានជម្លោះសមុទ្រចិនខាងត្បូង ជាមួយនឹងប្រទេសមួយចំនួនក្នុងតំបន់អាស៊ាន ដូចជា ប៊្រុយណេ ម៉ាឡេស៊ី ហ្វីលីពីន និងវៀតណាម៕

ប្រភព៖ Bangkokpost ប្រែសម្រួល៖ សំភី